Улсын Онцгой комисс өнөөдөр Гамшгаас хамгаалах хэсэгчилсэн бэлэн байдлын зэргийг үргэлжлүүлэх эсэх асуудлаар хуралдлаа. Хуралдаанаар соёл урлаг, спорт, олон нийтийн арга хэмжээ, худалдаа үйлчилгээ, бүх шатны боловсролын байгууллагын хичээл, сургуулийг хэвийн горимд үе шаттайгаар нээх асуудлыг хэлэлцсэн байна.
Улмаар сургууль, цэцэрлэгийг хэвийн горимоор хичээллүүлэх саналыг УОК-оос гаргасан байна. Тодруулбал, Гамшгаас хамгаалах хэсэгчилсэн бэлэн байдлын зэрэгт шилжих шийдвэрийг есдүгээр сарын 21-ний өдрөөс цуцлан, сургууль, цэцэрлэгийн үйл ажиллагааг хэвийн горимоор явуулах санал гаргажээ.
Уг шийдвэрийг Засгийн газрын өнөөдрийн хуралдаанаар баталгаажуулах юм.
О.ОНОН
Оллоо.мн