Эрүүл мэндийн яамнаас коронавируст халдварын цаг үеийн нөхцөл байдлын талаар ээлжит мэдээллийг хийлээ. Тус халдвараар дэлхийд 28 сая гаруй  хүн өвчилж, 900 мянга гаруй  хүн эндээд байна.

 ХӨСҮТ-ийн захирал Д.Нямхүү "Сүүлийн гурван өдөрт ХӨСҮТ-ийн вирус судлалын лаборатори болон Дархан-Уул аймгийн салбар лабораторид нийт 1803 хүнд шинжилгээ хийхэд коронавирус илрээгүй. Өнөөдөр 2 хүн эдгэрч дараагийн шатлал руу шилжлээ.  Энхийг сахиулагч 22 настай эрэгтэй, 43 хоног эмчлэгдээд эдгэрсэн бол  Алтанбулагийн боомтоор орж ирсэн 24 настай эрэгтэй, 31 хоног эмчлэгдэн гарлаа.  МУ-д нийт батлагдсан тохиолдол 311, үүнээс эдгэрсэн 300 хүн, эмчилгээнд 11 хүн байна. 7 хүн хөнгөн, 4 хүн хүндэвтэр гэсэн үнэлгээтэй эмчлэгдэж байна.

С.Цог