“Хүүхдэд ээлтэй дотуур байр “ хөтөлбөрийн нээлтийн арга хэмжээ боллоо
Архангай аймгийн засаг даргын 2014 оны 10 сарын 1-ний өдрийн а/500 захирамжаар сайн засаглалыг хөгжүүлэхэд хүүхдийн оролцоог нэмэгдүүлэх, 2014 онд “Хүүхдээ сонсох өдөр”-ийн хүрээнд гарсан хүүхдүүдийн санал санаачлагыг дэмжин хэрэгжүүлэх зорилгоор Хүүхдийн эрхийг хамгаалах тухай хуулийн 11 дүгээр зүйлийн 11,1 , 11.2 дахь зүйлүүд, Монгол улсын засаг захиргаа, нутаг дэвсгэрийн тухай нэгж, түүний удирдлагын тухай хуулийн 29 дүгээр зүйлийн 29.2 дахь заалтыг тус тус үндэслэн “ Хүүхдэд ээлтэй дотуур байр” хөтөлбөрийг баталсан билээ.

“ Хүүхдэд ээлтэй дотуур байр” хөтөлбөрийг олон нийтэд таниулах, үр дүнтэй хэрэгжих боломжийг нэмэгдүүлэх зорилготой тус хөтөлбөрийн нээлтийн арга хэмжээг Хүүхэд, гэр бүлийн хөгжлийн хэлтэс, Боловсролын газар, Японы хүүхдийг ивээх сангийн Архангай аймаг дахь салбартай хамтран Боловсрол шинжлэх ухааны яамны харьяа Эрдэнэбулган сумын Улсын тэргүүний лаборатори 1-р сургуулийн дотуур байранд амжилттай зохион байгууллаа.
Нээлтийн арга хэмжээг нээж дотуур байранд амьдарч буй урлагийн авьяастай хүүхдүүд мэндчилгээ дэвшүүлэн, Хүүхэд, гэр бүлийн хөгжлийн хэлтсийн дарга Ч. Уранцэцэг хөтөлбөрийн таницуулгыг хийлээ.

Мөн нээлтийн арга хэмжээний үеэр дотуур байранд амьдарч буй хүүхдүүдийн дунд - Дотуур байранд тулгамдаж буй асуудлууд
-Дотуур байрны багш юу хийж байна вэ
-Дотуур байрны багш юу хийж чадах вэ
-Багшид ямар мэдлэг чадвар шаардлагатай байна вэ?
гэсэн сэдвийн хүрээнд хэлэлцүүлэг зохион байгуулан харилцан санал бодлоо хуваалцлаа.

Мөн хүүхдүүдийн дунд “ АХА” танин мэдэхүйн тэмцээнийг зохиож “Хүүхдэд ээлтэй дотуур байр” хөтөлбөрийг хүүхдүүдэд таниулан, суртачилсан үйл ажиллагаа болж өндөрлөлөө.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.