''Урт цагаан''-ы нэгдүгээр корпусыг нураах ажлыг эхлүүллээ

Нийслэлийн өмч ашиглалт, удирдлагын газраас өнөөдөр “Урт цагаан” үйлчилгээний төвийг дахин төлөвлөх ажлыг хэрэгжүүлж эхэлсэн талаар мэдээлэл хийлээ.   

Нийслэлийн Засаг даргын А/216 тоот захирамжаар “Урт цагаан” үйлчилгээний төвийн үйл ажиллагааг зогсоосон. Үүнтэй холбоотойгоор НИТХ-ын Тэргүүлэгчдийн 2020 оны тавдугаар 11-ний өдрийн 73 дугаар тогтоолоор “Урт цагаан” үйлчилгээний төвийн барилга байгууламжийг нийслэлийн өмчөөс хасах тухай шийдвэр гаргасан. Тогтоолын хэрэгжилтийг хангах хүрээнд нийслэлийн Засаг дарга “Урт цагаан” үйлчилгээний төвийн нэгдүгээр корпусыг буулгах, өмчийн бүртгэлээс хасах тухай А/736 тоот захирамжийг 2020 оны тавдугаар сарын 27-ны өдөр гаргасан. Энэ дагуу барилгын ажлыг эхлүүлэх зөвшөөрлийг Хот байгуулалт хөгжлийн газраас авч, хэрэгжилтийг ханган тус төвийн 1584 метр.квадрат талбай бүхий нэгдүгээр корпусын барилгыг нураах ажлыг эхлүүлсэн болохыг Нийслэлийн өмч ашиглалт, удирдлагын газрын дарга Ш.Үнэнбат хэллээ.

“Урт цагаан” үйлчилгээний төвд үндсэн 30 түрээслэгч, 300 гаруй дам түрээслэгчид байдаг бөгөөд үндсэн түрээслэгчид тус төвийг нурааж, шинэ барилга барихыг эсэргүүцэн шүүмжлээд байгаа юм. Түүнчлэн нэр бүхий есөн аж ахуйн нэгж, иргэн нэгдэн Захиргааны хэргийн шүүхэд гомдол гаргажээ. Нийслэлийн өмч ашиглалт, удирдлагын газрын орлогч дарга Д.Рэнцэнбямба “2020 оны дөрөвдүгээр сарын 9-ний өдрийн Захиргааны хэргийн Давж заалдах шатны шүүхийн 279 дүгээр тогтоолоор захиргааны актын биелэлтийг түдгэлзүүлсэн. Ингэснээр тухайн акт хуульд нийцсэн эсэхийг шүүхээр шийдвэрлэх хүртэл хугацаанд захирамжтай холбоотой үйл ажиллагааг талууд явуулахгүй гэдэг шийдвэрийг гаргасан. Энэ шийдвэрийг хүчингүй болгох эсэх асуудлаар анхан шатны шүүхээр хэлэлцүүлэг эхлээгүй байна” гэсэн юм.

Түрээслэгчдийн зүгээс шүүхийн шийдвэр гараагүй байхад үйл ажиллагаа явуулан нэгдүгээр корпусыг нураах нь буруу хэмээн шүүмжилж байгаа. Харин Нийслэлийн өмч ашиглалт, удирдлагын газрын орлогч дарга Д.Рэнцэнбямбын хэлж байгаагаар НИТХ-ын тогтоол, нийслэлийн Засаг даргын захирамжаар “Урт цагаан” үйлчилгээний төвийг нийслэлийн өмчөөс хасч, нэгдүгээр корпусыг буулгах шийдвэр өнгөрсөн тавдугаар сард гарсны дагуу хуулийн хүрээнд ажилласан. НИТХ тогтоол, Засаг даргын захирамж шийдвэр нь Засаг захиргаа, нутаг дэвсгэрийн нэгж, түүний удирдлагын тухай хууль, Төрийн болон орон нутгийн өмчийн тухай хууль, НИТХ-ын Тэргүүлэгчдийн нийслэлийн өмчит хуулийн этгээдийн эд хөрөнгийн хөдөлгөөн түүнтэй холбогдох бусад харилцааг зохицуулах журмын хүрээнд хийгдсэн гэдгийг онцлон хэлэв.

Дашрамд дурьдахад, “Урт цагаан”-д үйл ажиллагаа явуулдаг түрээслэгчдийг ажлын байраар хангах зорилгоор төр, захиргааны IV байран дахь нийслэлийн Жижиг, дунд үйлдвэрлэлийг дэмжих төвд талбай гарган өгсөн. Мөн тус төвийн сууринд шинэ барилга барих концессын уралдаан зарласан бөгөөд шилдэг гурван бүтээл шалгараад байгаа. НИТХ-аар нэг бүтээлийг сонгож, үүний дагуу нээлттэйгээр тендер зарлан нийслэлийн төсвөөс хөрөнгө гаргалгүй, хувийн хэвшилтэй хамтарч барилгын ажлыг эхлүүлэх юм.

 

Нийслэлийн ЗДТГ-ын Хэвлэл мэдээлэлтэй харилцах хэлтэс

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2020-07-23 09:13:59
    Олигтойхон өндөр байшин бариасай. Нөгөө хэдэн барилга мэдэхгүй архитекторууд нь гэр хөдөөний маягийн талаар нэг тарсан навтгар юм хийнэ дээ
    162.158.7.132
    Мэдэгдсэн Хариулах
  • Бат 2020-07-23 09:03:37
    Хотын төвийн газар нэдэг утгаараа олон хүний хараанд өртөж тэгээд ч хэнийг биш улсын өмч болохоор нурааж байна даа удахгүй төрийн ордноо нураах биз
    162.158.7.124
    Мэдэгдсэн Хариулах
    • Batad 2020-07-26 11:54:38
      Tuuhiin dursgalt gazar gej l bitgii heleerei. Hotiin ongo uzemjiig gutaaj bui gazar. Toriin ordon ch huuchirch baigaa shinechleh tsag ni bolj baigaa shuu
      172.69.252.133
      Мэдэгдсэн Хариулах
  •  2020-07-23 08:42:33
    тоосгыг нь буулгаад ав гээд хэдэн иргэнд өгчихөд л буулгачихна.
    172.69.252.133
    Мэдэгдсэн Хариулах