Дональд Трамд анх удаа маск зүүж, Жо Байдены доог болов уу

Коронавирус дэгдэж эхлэхэд Хятадын өвчин, жирийн ханиад хэмээн үл тоомсорлож байсан АНУ-ын ерөнхийлөгч Дональд Трамп өнгөрсөн бямба гаригт Вашингтон хотын Уолтер Ридийн цэргийн эмнэлэгт зочлохдоо анх удаа маск зүүсэн юм. Тэрээр “Би ахиж хэзээ ч маск зүүхийг эсэргүүцэхгүй. Гэхдээ зөв цаг үедээ л зүүх ёстой гэж боддог. Эмнэлгээр үйлчлүүлэхдээ ялангуяа, олон цэрэгтэй харилцаж байгаа үед маск зүүх нь маш чухал” гэж хэлжээ. АНУ-ын Өвчнөөс урьдчилан сэргийлэх төв дөрөвдүгээр сарын эхээр коронавирусын тархалтыг зогсоохын тулд бүх нийтээрээ амны хаалт зүүхийг зөвлөсөн ч Дональд Трамп энэ зөвлөгөөг дагахгүй гэж сэтгүүлчдэд хэлж байсан юм. Мөн Ардчилсан намаас нэр дэвшигч Жо Байденыг элэглэн хэзээ ч маск зүүхгүй хэмээн мэдэгдэж байсан билээ. Тэгвэл чухам юу түүнийг маск зүүхэд нөлөөлөв гэдэг нь олны анхаарлыг татаж байна. АНУ-д шинээр илэрсэн коронавирусын халдварын тохиолдол баасан гаригт буюу нэг дэх өдөр 69 мянга бүртгэгдсэн нь хамгийн өндөр үзүүлэлт юм. Өчигдрийн байдлаар АНУ-д коронавирусын халдварын батлагдсан тохиолдол 3.5 саяд хүрч, 140 мянга орчим хүн нас барснаар дэлхийд нэгдүгээрт жагсаж байна.
 

Эх сурвалж: “Зууны мэдээ” сонин
Б.Должинжав


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Irgen 2020-07-17 02:19:51
    Ардчилалын эх орон Монголчууд бидний шүтээн америкчууд маань л эрүүл байвал.
  • к к к, хэ хэ хэ 2020-07-16 02:14:03
    Зөнөсөн өвгөнөөс болж АНУлс хүнгүй болчих нь уу? Тэгвэл бүр сайн.
    172.69.252.135
    Мэдэгдсэн Хариулах