ХСҮТ-ийн зүүн талын орц, гарцыг гаргах, барилгыг албадан буулгах захиргааны актуудыг хэвээр үлдээв
“Эй Жи энд Би” ХХК-ийн нэхэмжлэлтэй, Нийслэлийн засаг дарга, Нийслэлийн Газар Зохион байгуулалтын албанд холбогдох Хавдар судлалын үндэсний төвийн зүүн талын орц, гарцыг гаргах, чөлөөтэй болгох үндэслэлээр Хавдар судлалын үндэсний төвийн зүүн талын барилгыг албадан буулгах тухай захиргааны хэргийн урьдчилсан хэлэлцүүлгийг Нийслэл дэх Захиргааны хэргийн анхан шатны шүүх 2020 оны 05 дугаар сарын 15-ны өдөр хянан хэлэлцлээ.

Нийслэлийн Засаг даргын зүгээс Хавдар судлалын үндэсний төвийн зүүн талын орц, гарцыг гаргах, чөлөөтэй болгох үндэслэлээр Хавдар судлалын үндэсний төвийн зүүн талын барилгыг албадан буулгах тухай Засаг даргын 2020 оны 05 дугаар сарын 06-ны өдрийн А/626-р захирамж болон 2020 оны 04 дүгээр сарын 24-ний өдрийн А/568 дугаар мэдэгдэл тус тус гаргасан байна.

Уг захиргааны актуудыг нэхэмжлэгч “Эй Жи энд Би” ХХК эс зөвшөөрөн шүүхэд нэхэмжлэл гаргаж, барилгыг албадан буулгах ажиллагааг түдгэлзүүлэх тухай хүсэлт гаргасан юм. Шүүхээс нотлох баримтад тулгуурлан нийтийн эрх ашиг, нийтийн эрүүл мэндэд илт хохирол учруулахаар байна гэсэн үндэслэлээр барилгыг албадан буулгах ажиллагааг түдгэлзүүлэх нэхэмжлэгчийн хүсэлтийг бүхэлд нь хэрэгсэхгүй болгон шийдвэрлэсэн байна.

Дашрамд дурдахад, Шүүхээс нэхэмжлэгчийн гаргасан албадан буулгах ажиллагааг түдгэлзүүлэх хүсэлтийг урьдчилсан хэлэлцүүлгийг хуралдаанаар хэлэлцэхээсээ өмнө /2020.05.15-ны өдөр /шүүгч газар дээр нь очиж бодит байдалтай танилцсан. Уг үзлэгийн дараа шүүх урьдчилсан хэлэлцүүлгийн хуралдаанаар албадан буулгах Засаг даргын үйл ажиллагааг түдгэлзүүлэх нэхэмжлэгчийн хүсэлтийг хэлэлцэж бүхэлд нь хэрэгсэхгүй болгон шийдвэрлэсэн болно. Иймд олон нийтийн сүлжээ, олон нийтийн мэдээллийн хэрэгслээр шүүх албадан буулгах ажиллагааг зогсоосон, шүүх албадан буулгах ажиллагааг түдгэлзүүлэх хүсэлтийг шийдвэрлэснийхээ дараа үзлэг хийж бодит байдалтай танилцсан гэх зэрэг мэдээлэл нь үндэслэлгүй юм.


Нийслэл дэх Захиргааны хэргийн анхан шатны шүүхийн Тамгын газар

 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • АРД 2020-05-19 03:43:56
    ЗОРИУЛАЛТЫН ТОМ ИНДҮҮ АВААЧЭЭ ,ОЙЛГЛОМЖТОЙ НИИТЙИН ЭРХ АШИГТ ХАРШ БАРИЛГА УУДЫГ ШУУД НУРААГГААД Л ШИИД
  • irgen 2020-05-18 01:41:35
    Сайн байна шдээ. Захиргааны хэргийн шүүх сүүлийн үед үнэхээр мэргэн байгааг онцлон хэлэх нь зүйтэй. “Эй Жи энд Би” ХХК гэнэ үү яаж шүүхэд хандаж чадаж байна...
  • Zass 2020-05-17 02:11:01
    Buudchihgui dee novshnuudiig
  • иргэн 2020-05-16 08:14:03
    сайн байна хятад шиг шууд индуудэх хэрэгтэй хоерын хооронд манж зан хэрэггуй хуний эрх ярьсан дураараа хогнуудыг хашраах хэрэгтэй салга цагаан толгой бат уул ху...