Голомт банк “Хөгжлийн шийдэл” ТББ-тай хамтран ажиллах санамж бичигт гарын үсэг зурлаа

Жижиг, дунд бизнес эрхлэгчдийг дэмжин ажиллах зорилгоор Голомт банк, “Хөгжлийн шийдэл” ТББ-ийн төлөөллүүд өчигдөр уулзаж, хамтран ажиллах санамж бичигт гарын үсэг зурлаа. Санамж бичигт Голомт банкийг төлөөлж тус банкны Ерөнхийлөгч Г.Ганболд, Хөгжлийн шийдэл ТББ-ыг төлөөлж Гүйцэтгэх захирал Б.Хишигсүрэн нар гарын үсэг зурсан юм.

Уг санамж бичгийн хүрээнд жижиг, дунд бизнес эрхлэгчдийг шаардлагатай санхүүжилтийн мэдээллээр хангах, санхүүжилт авахад харилцан дэмжлэг үзүүлэх, тэднийг чадавхжуулах чиглэлээр санхүү, менежмент, компанийн засаглалын сургалт, уулзалт, зөвлөгөө өгөх, хамтран форум зохион байгуулах, ном, гарын авлага бэлтгэн бизнес эрхлэгчдэд хүргэх зэргээр талууд хамтран ажиллахаар харилцан тохиролцжээ. 

 

Бусдад түгээх
  • gplus