Үндэсний Аудитын газарт 208 бие даагч УИХ-ын сонгуульд оролцох мөрийн хөтөлбөрөө хүргүүлжээ. Энэ талаар Үндэсний Аудитын газраас мэдээлэл хийлээ. 
 

Монгол Улсын Ерөнхий аудиторын орлогч О.Тэнгис  "Үндэсний аудитын газраас бие даагчдынг мөрийн хөтөлбөрт дүгнэлт гаргах ажил хийгдэж байна. Монгол Улсын Их Хурлын сонгуулийн тухай хуулийн 32 дугаар зүйлд нэр дэвшигчээр бүртгэх заалт буй. Энэ заалтад бие даагчаар нэр дэвшихээр бол Үндэсний Аудитын газраар мөрийн хөтөлбөрөө хуульд нийцэж байгаа эсэх талаар дүгнэлт гаргуулсан байх ёстой. Энэ хуульд зааснаар дөрөвдүгээр сарын 25-наас өмнө бие даагчид мөрийн хөтөлбөрөө Үндэсний Аудитын газар хүргүүлсэн байх ёстой. Энэ дагуу Монгол Улсын хэмжээнд нийт 208  бие даагчийн мөрийн хөтөлбөрийг хүлээн авсан. 

Коронавируст халдварын нөхцөл байдалтай холбогдуулан зам хаасан. Үүнтэй холбогдуулан 10 гаруй хүн орон нутгаас цахим хэлбэрээр мөрийн хөтөлбөрөө Үндэсний Аудитын газарт ирүүлсэн” гэлээ. 

О.ОНОН