УИХ-ын чуулганы өнөөдрийн цахим хуралдаанаар “Коронавируст халдвар /СОVID-19/-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай” Улсын Их Хурлын тогтоолын төслийн анхны хэлэлцүүлгийг хийж байна.

Энэ үеэр УИХ-ын гишүүн Л.Энх-Амгалан иргэд, ААН-үүдийн зүгээс хүлээлт үүсгэж байгаа зарим асуудлаар мэдээлэл өглөө.

Тэрбээр “Монгол Улсын 3,2 сая иргэнээс 1,1 нь ажил хөдөлмөр эрхэлдэг. Эдгээр хөдөлмөр эрхэлж байгаа хүмүүсийн 75 хувь буюу 800 орчим мянган хүний НДШ-ийг зургаан сарын хугацаанд төр хариуцна. Үүнд нийгмийн даатгалын сангаас 800 орчим тэрбум төгрөг зарцуулах тооцоо гарсан. Мөн иргэдийн дунд 200 мянган төгрөгийг ямар шалгуураар яаж олгохтой холбоотой асуудлыг хуулийн төсөлд тусгасан. Тодруулбал, өнгөрсөн оны буюу 2019 оны хоёр гуравдугаар сарын үйл ажиллагааны борлуулалтын орлого нь 2020 оны хоёр гуравдугаар сарын борлуулалтын орлоготой харьцуулахад 50 хувиар буурсан мөртлөө ажлын байраа хадгалж байгаа ААН-ийн ажилчид 200 төгрөг олго шийдэл гаргасан.  Үүнд ойролцоогоор 45 мянган ААН-үүд хамрагдах тооцоо байна” гэлээ

О.ОНОН