Япон Улсын Засгийн газар 2020 оны дөрөвдүгээр сарын 7-ны өдрөөс онц байдал зарласныг Ерөнхий сайд Шинзо Абэ мэдэгдлээ. Онц байдал Токио, Осака хот болон бусад таван мужийн нутаг дэвсгэрийг хамарч, нэг сарын хугацаанд үргэлжлэх юм. Онц байдлын үеэр олон нийтийн тээврийн хэрэгсэл, эмнэлэг, эмийн сан, банк, хүнсний дэлгүүрүүд хэвийн үйл ажиллагаа явуулах юм байна. Японд нийт халдварын тоо 4,800 давсан бөгөөд тэдний 700 орчим нь Токио хотын ойролцоо хорио цээрт орсон "Diamond Princess" аялалын хөлөг онгоцны зорчигчид юм. Амиа алдсан хүний тоо 108 хүрээд байна. Шинзо Абэ эмнэлгийн орны тоог нэмэгдүүлэх, вирусын шинжилгээ хийх хүчин чадлыг нэмэгдүүлэх, эмчилгээнд хэрэглэх вакцин, эмийг боловсронгуй болгох ажлыг эрчимжүүлэхээ амлажээ.
Мөн түүнчлэн гадагш гарахгүй байх, олон нийтийн арга хэмжээ зохион байгуулахгүй байх, амралтын өдрүүдэд болон үдэш, орой гэртээ байх, зайлшгүй шаардлагаар гадагш гарах нөхцөлд хоорондоо 2 метрийн зай барих, олон нийтийн тээврийн хэрэгслээр аль болох зорчихгүй байх, хүнсний бүтээгдэхүүн бөөнөөр нөөцлөхгүй байх, зайнаас ажиллахыг нийт иргэддээ уриаллаа.
С.Жангар
https://kyodonews.net/