Ё.Баатарбилэг: Сургууль, цэцэрлэгийн хөл хориог сунгах эсэхийг энэ сарын 20-ны үеэр шийднэ
Боловсрол, соёл, шинжлэх ухаан, спортын сайд Ё.Баатарбилэг цаг үеийн асуудлаар мэдээлэл хийлээ. 

БСШУС-ын сайд Ё.Баатарбилэг: БСШУСЯ-аас шинэ коронавирусийн халдварын улмаас сургууль, цэцэрлэгийн үйл ажиллагааг зогсоосон.  Сүүлийн үед эцэг эхчүүдээс элсэлтийн шалгалт хэрхэн яаж явагдах, төгсөх ангийн сурагчид шалгалтаа хэрхэн яаж өгөх вэ, гэх мэт маш олон асуултууд ирж байна.  Үүнд хариулт өгөхөөр мэдээлэл хийж байна. 
 
Цар тахлын улмаас 188 орон хичээл сургуулийнхаа үйл ажиллагааг бүрэн зогсоосон байна. Өчигдрөөс ЮНЕСКО-гийн цахим хуудсаар манай улсад цахим сургалт хэрхэн явагдаж байгаа мэдээллүүд гарч эхэлсэн. Өндөржүүлсэн бэлэн байдлын зэрэгт шилжсэнээс болж 65 хоног сургууль, цэцэрлэг хичээллээгүй. Танхимын сургалт нэгдүгээр сарын 27-ноос хойш дөрөвдүгээр сарын 30-ныг хүртэл 10-11 долоо хоног /төлөвлөгөөт амралтууд ороогүй/ тасарч байна. Энэ хугацаанд дэлхийн бусад улс орны жишгийг дагаж боловсролын байгууллагууд теле хичээлээ зааж байна. Цахим болон теле хичээлийн сургалтад манай боловсролын байгууллагууд бүрэн шилжсэн. Их дээд сургуулиуд онлайн сургалтыг зохион байгуулж байна. Энэ сарын 30-ны өдрийг хүртэлх хугацаанд 3020 цагийн теле хичээлийг бэлтгэн хүргэнэ. Теле хичээлтэй холбоотой янз бүрийн сэтгэгдлүүд ирж байна. Давуу бас сул тал бий. 

Элсэлтийн ерөнхий шалгалтын тов гарсан. Одоогоор энэ хугацааг хойшлуулахгүй гэж үзэж байна. Хорио цээрийн дэглэм энэ сарын 30-нд хорио хүртэл сунгагдсан. Товлосон хугацаанд хорио цээрийн дэглэм цуцлагдах эсэхийг хэлж мэдэхгүй байна. Дэлхий дахинд коронавирусийн халдварын тархалт улам нэмэгдэж байгаа. Иймээс тавдугаар сард хичээл эхлэх эсэхийг энэ сарын 20-ны үеэр шийднэ. Хэрэв хорио сунгагдвал яг 12 дугаар ангийн сурагчдад зориулсан танхимын давтлагыг хэрхэн зохион байгуулах талаар судалж байна. Өнөөдрийн байдлаар  12 дугаар анги төгсөгчдөд зориулан гарын авлага бэлтгээд байна. Энэ гарын авлагад жишиг даалгавар, ЭЕШ-ын журам, зөвлөгөө мэдээллүүд багтсан. Мөн Боловсролын үнэлгээний төвөөс элсэлтийн ерөнхий шалгалтад бэлтгэгчдэд зориулан “Цахим зөвлөх” www.helper.eec.mn вэб сайт ажиллуулж эхэлсэн. Дээрх сайтаас теле хичээл, зөвлөмж, жишиг даалгавар, ЭЕШ-ын журам болон ЭЕШ-тай холбоотой бүхий л төрлийн зөвлөгөө мэдээллийг нэг дороос авч болно. 
 



БСШУСЯ-ны Ерөнхий боловсролын бодлогын газрын дарга Т.Ням-Очир: 2019-2020 оны хичээлийн жилд улсын хэмжээнд 820 ЕБС үйл ажиллагаа явуулж байна. Үүний 590 нь төгсөх 12 дугаар ангитай. Нийт 21798 бүлэг байгаагаас 1146 нь 12 дугаар ангийн бүлэг байгаа. 649449 хүүхэд суралцаж байгаагийн 28567 нь 12 дугаар ангийн сурагч байна.  Хорио цээрийн хугацааг дөрөвдүгээр сарын 30-аас хойш сунгавал 12 дугаар ангийн сурагчдыг тусгайлан хичээллүүлэх ямар боломж нөхцөл байгааг судалж байна.
Нийт ерөнхий боловсролын сургуулийн
  • 53 хувь нь нийслэл болон аймгийн төв дээр
  • 42 хувь нь сумын төв дээр
  • таван хувь нь баг дээр үйл ажиллагаа явуулж байгаа юм. Иймээс бид сумын төв болон баг дээр байгаа хүүхдүүдэд цахим хэлбэрээр мэдээлэл авах боломж байгаа вэ гэдгийг судалж байна. Иймээс бид 12 дугаар ангийнханд зориулан гарын авлага бэлдээд байна. 
Цаашид хичээл сургалтын үйл ажиллагааг тусгай горимд шилжүүлбэл нэг сургуульд 100-аас дээш тооны сурагч хичээллэхгүй, анги дүүргэлт 15-аас хэтрэхгүй гэх мэтчилэнгээр тооцоолж байгаа. 

О.ОНОН
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2020-04-06 01:03:43
    ЗГ нэг шийдвэртэй байх хэрэгтэй шүү дээ. Гаднаас онгоцоор зөөж өвчин импортлоод байхаар чинь яаж хичээл эхлэх вэ дээ. Хүүхдүүдийн мэдлэггүй арми бий болгохгүйн ...
  • яана даа 2020-04-03 23:12:44
    ГАДНААС орж ирэх боломжийг хааж чадаж байвал сургуулиудаа хичээлүүлэхэд саад болох зүйл байна уу? Байхгүй дээ.