Эрүүл мэндийн яамнаас коронавирусийн халдварын цаг үеийн нөхцөл байдлын тухай ээлжит мэдээллийг /2020.04.03/ хийлээ. Манай улсын хувьд коронавирусийн батлагдсан тохиолдол 14 бүртгэгдсэн. Улмаар хоёр хүн эдгэрч ХӨСҮТ-ээс гарч, сувилалд тусгаарлагдан хянагдаж байгаа аж. Өнгөрсөн 24 цагийн хугацаанд улсын хэмжээнд сэжигтэй тохиолдол бүртгэгдээгүй байна.
Өнгөрсөн 24 цагийн хугацаанд хийгдсэн тандалт, шинжилгээний талаар ХӨСҮТ-ийн захирал Д.Нямхүү “ 2020 оны дөрөвдүгээр сарын 1-нд Сэлэнгэ аймгийн Зүүнхараа болон Дархан-Уул аймагт тусгаарлагдсан хоёр тохиолдлын шинжилгээнд коронавирус илрээгүй, сайн мэдээ. Цэргийн төв эмнэлэгт тусгаарлагдсан тусгаарлагдсан 42 иргэнээс мөн коронавирус илрээгүй. Тандалтын журмаар Улаанбаатар хот, аймгийн эмнэлгүүдэд уушигны хатгаагаар өвдсөн 81 хүний сорьцонд шинжилгээ хийхэд коронавирус илрээгүй. ХӨСҮТ-д 110, Цэргийн төв эмнэлэгт 58 гээд нийт 326 хүнд шинжилгээ хийхэд коронавирус илрээгүй” хэмээлээ.
О.ОНОН