ШШГЕГ-ын Хорихоос өөр төрлийн ял эдлүүлэх албаны дарга, хурандаа Х.Ариунболдыг Цагдан хорих 461 дүгээр ангид хорьсон тухай эх сурвалжууд мэдээлж байна. Түүний хувьд албан тушаал эрх мэдлээ урвуулан ашиглаж бусдаас их хэмжээний хээл хахууль авдаг байсан нь АТГ-ын гүйцэтгэх ажиллагааны үеэр тогтоогджээ.

Эх сурвалжийн мэдээллээр хурандаа Х.Ариунболд нь ял эдэлж буй хүмүүстэй уулзан, эрүүл мэндийн бичиг гаргаж өгөх, эмнэлэгт хэвтүүлэх хуурамч бичиг баримт бүрдүүлэх зэргээр дэмжлэг үзүүлсэн авилга авдаг байсан аж.