Гандантэгчинлэн хийдийн тэргүүн хамба Д.Чойжамц цаг үеийн асуудлаар мэдээлэл хийлээ. Тэрбээр хулгана жилийн өнгө зурхайд хэрхэн буусныг тодорхойлохдоо “Энэ жил сайхан жил гарах янзтай. Дэлхийгээрээ олон гариг, олон шашин зурлага зурдаг. Цагаан сараар монгол хүн хуучин жилийнхээ хамгийн сүүлчийн буюу битүүний өдрийг тэмдэглэж, цэвэрлэгээ хийж, идээ будаагаа засдаг. Түүгээр зогсохгүй хөөрөг зөрүүлж, эв нэгдлээ илэрхийлдэг. Шинэ жилдээ цэвэр оръё гэж мэндчилгээ хийдэг. Шинэ жилийн эхний өдрийг баяр баясгалантай тэмдэглэдэг. Монгол хүн бэлгэдлээрээ байдаг. Монголчуудын олон зууны турш шүтэж ирсэн бурхны шашин бол эвлэрэл, жаргалтай амьдралын эхлэл. Гэр бүл дотор байгаа хүмүүс бие биенээ ойлгож, нигүүлсвэл аз жаргалтай байдаг. Ингээд гэр оронд жаргал үүсдэг. Хэрүүл тэмцэл, атаа жөтөөнөөс болж тайван бус байдаг. Тийм учраас Цагаан сарын өдөр элбэг хангалуун, эв найртай байх хэрэгтэй.
Энэ жил хөгшчүүдэд зөөлөн, залууст хатуу, нялхаст ширүүн янзтай байна. Дундаж албан тушаалтанд ширүүн байх шинжтэй. Тариа, ногоо жилийн дунд үед бүрэн байна. Мал сүргээ анхаарах хэрэгтэй гэсэн зурлага гарсан байна. Бие хэл, сэтгэл гурваа зөв авч явбал сайн жил болно.
Хувиа бодсон үзэл дээр үүсэж алдаа гардаг. Бусдыгаа бодох хэрэгтэй. Би олон сая хүний нэг. Би өвдвөл ах дүү, хамаатан садан, монголчуудаа бодох хэрэгтэй. Цагаан сарыг цуцлах гэж үгэн дээр би дургүй байгаа. Хөл хорио тогтооно гэж амгалантай үгээр хэлэх хэрэгтэй” гэлээ.
О.ОНОН
Энэ жил хөгшчүүдэд зөөлөн, залууст хатуу, нялхаст ширүүн янзтай байна. Дундаж албан тушаалтанд ширүүн байх шинжтэй. Тариа, ногоо жилийн дунд үед бүрэн байна. Мал сүргээ анхаарах хэрэгтэй гэсэн зурлага гарсан байна. Бие хэл, сэтгэл гурваа зөв авч явбал сайн жил болно.
Хувиа бодсон үзэл дээр үүсэж алдаа гардаг. Бусдыгаа бодох хэрэгтэй. Би олон сая хүний нэг. Би өвдвөл ах дүү, хамаатан садан, монголчуудаа бодох хэрэгтэй. Цагаан сарыг цуцлах гэж үгэн дээр би дургүй байгаа. Хөл хорио тогтооно гэж амгалантай үгээр хэлэх хэрэгтэй” гэлээ.
О.ОНОН