Коронавирусийн голомт болох БНХАУ-ын Ухань хотод байсан Монголын 31 иргэнийг эх орондоо авчирлаа. Тэднийг авчрахаар өчигдөр 23.00 цагийн үед нисгэгч Г.Баатарцогтоор ахлуулсан 737-800 тусгай үүргийн онгоцны баг бүрэлдэхүүн Буянт-Ухаа нисэх буудлаас албаны хүмүүсийн хамт хөөрсөн юм. Онгоцоор БНХАУ-ын Ухань хотод сурч байсан 30 оюутан, нэг хүүхэд ирсэн. Тус хотод 33 иргэн байсан ч хоёр иргэн нь эх орондоо ирэхгүй гэдгээ албан бичгээр өгсөн тухай Улсын онцгой комиссоос мэдээлсэн юм.
Тэднийг газардмагц ХӨСҮТ-ийнхэн шинжилгээ авч, тодорхой хугацаанд тусгаарлан хяналтанд байлгах ажлыг Эрүүл мэндийн яамнаас зохион байгуулж байна.
С:Жангар