ЖДҮ-чдийг нэр дэвшүүлэхгүй гэж хэлж чадсангүй
Монголын төр, засгийн толгой дээр гарч суучихаад зайдагнаж байгаа МАН-ынхан нэг хэвийн амлалт голлосон мөрийн хөтөлбөрөөр бамбай хийж далд дам наймаагаар сонгуульд ялалт авдаг бараан туршлагын эзэд юм.
 
Энэ жил болох сонгуульд ч мөн л тийм аргаа хэрэглэх янзтай байна. Саяхан тус намын УИХ дахь бүлэг ээлжит бус хурлаараа 2020 оны сонгуульд намаасаа нэр дэвшигчдийг тодруулах зарчмаа хэлэлцжээ. Энэ тухай намын Ерөнхий нарийн бичгийн дарга Д.Амарбаясгалан ярихдаа:
 
-Манай намын дарга бүлгийн хурал дээр УИХ-ын сонгуульд нэр дэвшигчдээсээ хандив буюу дэнчингийн мөнгө авахгүй гэж мэдэгдсэн.
Энэ нь сонгуульд нам амжилт үзүүллээ гэхэд хүмүүсээ албан ту­шаалд томилохдоо өгсөн хандивын хэмжээнд то­хир­сон ажил алба өгөх болдог хандлагыг таслан зогсоохын тулд хийж буй ажил гэж хэлэв. Түү­ний үг нь зүүдээ ярих гээд хулгайгаа гэгчийг санагдуулав.
Өмнө нь эднийхэн сай­даас эхлээд бүхий л албан тушаалыг мөнгөөр үнэлдэг болгосон нь аль хэдий­нэ илчлэгдсэн асуудал. Үүнийгээ үнэн гэдгийг Ерөнхий нарийн бичгийн дарга нь яг л нотолчих шиг боллоо. МАН-ынхан нэр дэвшигчдээсээ хандивыг авахын дээдээр авдаг байсан шүү дээ. Гэтэл энэ жил авахгүй ээ гэж байгаа нь тун үнэмшил муутай байгаа юм. Мөнгө авахгүй гэж байгаад нө­гөө 60 тэрбумынх ши­гээ юмаа хийж магад харж л байгаарай. Бас их цэ­в­эр­хэн юм яриад байгаа юм даа. Намуудад мөнгө хандивлаж байж сон­гуульд нэр дэвших эрхээ авдаг гэсэн ойлголт байсаар ирсэн. Тэгвэл МАН энэ арга барилаас татгалзлаа гэж зарлаж байна. Энэ нь өрсөлдөгч Ардчилсан намынхан нэр дэвшигчдээсээ 100 саяын хандив авна гэхтэй зэрэг­цээд юуны өмнө ялгарах гэсэн оролдлогоо хийж байгаа санаа юм биз. Санаа ч гэж дээ энэ намынхны ээлжит заль ч байж болох. АН-ын дарга С.Эрдэнийн хэлж байгаагаар МАН-ынхан төр, засгийн эрхэнд байгаа болохоор татвар төлөгчдийн мөнгөөр сон­гуульдана даа гэдэг ч ортой болов уу.
 
Бүлгийнхээ хурлаар хэлэлцсэн асуудлын нэг нь бас энэ нам ёс зүйтэй улстөрчдөө сонгуульд нэр дэв­шүүлнэ гэж шийд­вэрлэжээ. Тэр тухай сон­соход тус намын ажил албанд шинэ салхи орж байгаа мэт санагдах ч худ­лаа даа. Зүгээр нэг эртхэнээс өнгөлөн далд­лалт маягийн юм хийж байгаа нь мэдрэгдэх шиг. Яагаад гэл дээ. Өнөө­гийн УИХ-д энэ нам 64 суудалтай. Анх 65 суудал авсан ч нэгийнх нь эзэн эрүүгийн ноцтой бөгөөд булай хэрэг үйлдсэний учир шоронд орсон. Түү­ний ор хүнийг тодруулж нөхөн сонгууль явуулах гэхээр өөр намын нөхөр гарч ирэхээс айгаад элдэв арга саам хийсээр сон­гуулийн дөрвөн жилийг дуусгаж байгаа. За тэгээд үлдсэн 64-өөс хэн нь энэ жилийн сонгуульд да­хин нэр дэвших юм бол гээд бодлоо.
 
 
 
Сураг ажиг тавихад өнөөгийн түшээдийн олонхи нэр дэвших санаатай байгаа юм билээ. Гэтэл хөндлөнгөөс харахад нэр дэвших байх гэх магадлалтай нь тун цөөн болов уу гэхээр. Яагаад цөөн гээд байгаа юм бэ гэвэл эдний намаас сонгогдсон түшээдийн тал илүү буюу 30 гаруй нь ЖДҮ-чин “цолтой”. Ний нуугүй хэлэхэд хууль зөрчсөн гэмтнүүд шүү дээ. Тэднийг ёс зүйтэй улстөрч гэж хэн ч хэлэхгүй. Харин бүрэн эрх гэдэг нуувчиндаа хоргодсон хууль зөрчигчид гэхэд онох байх.
 
 
 
Намаараа бүлэглэж үгсэн хуйвалдаж Жижиг, дунд үйлдвэрийг хөгжүү­лэх сангийн мөнгийг зээл нэрээр хувааж авсан нөхдийг зөвхөн ёс зүйгүй гэж нэрлэхэд багадах биз. Намын Ерөнхий нарийн бичгийн дарга Д.Амарбаясгалан ер нь яаж тэр үгийг хэлж чадваа гэж олон хүн гайхаж байна. Тэр өөрөө бас ЖДҮ-чин. Цаашлаад намын дарга нь хүртэл тэрхүү нэрийн жагсаалтад бичигдчихсэн болохоор тодорхой юм хэлж чадахгүй нь мэдээж л дээ. Хэлж чадлаа ч худ­лаа үг болно. Мөн бүл­гийн хурал дээрээ зөвхөн суурь судалгааны үндсэн дээр намын шат шатны байгууллагын хэмжээнд ярилцаж байж нэр дэвшигчээ тодруулна гэж ярьсан гэх. Уг судал­гаандаа нэр дэвших хү­сэл­тэй хүмүүсийн рейтингийг харж үзэх гэсэн бас нэг “поохуутай” үг хавчуулжээ. Эндээс өнөөгийн түшээдээс хэн нэгнийг нутаг орондоо нэр хүндтэй хүн гээд л нэр дэвшүүлэх болно гэсэн аялга сонсогдоод байна.
 
Тухайлбал, 60 тэр­бумын хэргийн улмаас УИХ-ын даргаасаа огцор­сон М.Энхболдыг Төв ай­магт нь сойх л янз­тай. Энэ хүн намынхаа журмын нөхөд Ц.Сандуй, А.Ганбаатар нарыг шорон руу түлхэж хаячихаад гэм­гүй царайлаад дүм­бий­гээд сууж байгаа. Мань хүнийг намын дарга нь байсны учир тэр 60 тэрбумын хэргийг мэдээгүй, хамсан оролцоо­гүй гэхэд хэн үнэмших юм бэ. Тэгвэл ЖДҮХС-гаас зээл авч хууль бус хэрэгт оролцоогүй ч хариуцсан салбарынх нь ажил муу, басхүү Монгол Улсыг саа­рал жагсаалтад оруулах эхлэлийг тавилцсан Хууль зүйн сайд Ц.Нямдорж ёс зүй­тэй хүн мөн үү. Өөрсдөө хууль сахиулах үүрэгтэй 10 гаруй хуульч нь авлигын хэрэгт татагд­чихсан. Энэ гэмт хэргийнхээ улмаас шоронд нэг нь амиа хорлож, зарим нь гадаад руу зугатаад явчихсан ийм л салбарын сайд хүн шүү дээ гээд бодохоор.
 
 
Шүүх, прокурорынхны ажил үнэхээр дампуурсан гэж хэлэхэд ононо. Одоо гэхэд Улсын ерөнхий про­ку­рорын албанд томилогдсон хүн нь хүртэл ажлаа бараг хийхгүй байгаа. Тэр хүн энэ салбарынхантай дөрөө нийлэхгүй гэж үзсэнээс тэр байх. Хэрэг хянан шийдвэрлэх гол ажил олон жилээр орхигдож гэмтнүүдийг ял завших боломж олгож байна.
 
 
“Жаст”-ын Батхүүгийн гэх дуулиантай хэргийг зургаан жил гаруй шалгаж байгаа ч шийдвэрлэж чадахгүй байгаа. ЗТХЯ-ны байранд гарсан хүн амины барин тавин хэргийг жил гаруй хугацаанд шал­гаж байгаа гээд л өдий хүрлээ. Цаашлаад Ерөнхий сайд асан С.Баяр, Ч.Сайханбилэг нарыг ч шал­гасаар байгаа гэх. Шалгаж байх хооронд оргож зайлсан нь бий. Энэ бүхнийг Ц.Нямдорж сайд хүлээн зөвшөөрч байгаа ч:
-Миний хувьд мөрдөн шалгах ажилд оролцох хууль зүйн хувьд эрхгүй юм шүү дээ гээд өөрийгөө цагаатгаж хариуцлагаас зайлсхийн сууна. Гэтэл бас мань хүн Орхон аймагт нэр дэвших санаатай юм байх. С.Зоригийн хэргээр оролдоод байсны нууц нь тэр байж.
Ердөө хоёрхон хүний талаар гэмийг нь хэлэхэд ийм.
 
-Танай нам ЖДҮХС-гийн хэрэгт холбогдсон улстөрчдөө нэр дэвшүүлэх үү гэсэн асуултад Д.Амар­баяс­галан хариулт өгөхдөө:
 
-Өнгөрсөн дөрвөн жи­лийн хугацаанд ал­даа дутагдал гаргасан гишүүд бий гээд зарим нь хоморгонд орсон байдлаар нэр төр нь сэвтсэн асуудал байгаа гэж гэмийг зөөл­рүүлэхийг оролджээ.
 
Монгол Улсад мөрдөж байгаа хуулийн хүрээнд авч үзэх юм бол үнэн зө­вөөр судалж, ул суурьтай хан­дах юм бол УИХ-ынхнаас нэр дэвшигч тун цөөн гарнаа даа. Ер нь МАН-ын дотор албан тушаалын сахилга бат алдагчид, авлигын эзэн тун олон. Энэ жишээнд Зам, тээвэр, хөгжлийн яамны Төрийн нарийн бичгийн даргаасаа эхлээд харьяа агентлаг, газруудын удирдах албаны олон хүн авлигын хэрэгт шүүгдэж байгааг хэлж болно.
 
Мөн яамныхаа бай­ранд архидан согтуурч нэгнийхээ амь насыг бүрэлгэсэн хэрэг ч эндээс л гарсан. Тэр буруутнууд МАН-ын шилж сонгож томилсон боловсон хүч­нүүд байсан шүү дээ.
 
Ин­гэж бодохул энэ жилийн сонгууль ёс зүйтэй нэр дэвшигч олох гэж МАН-ынхан ёстой л “махаа идэж мяраагаа мөлжих” янзтай. Гэхдээ хэлэх, хийх нь хол зөрүүтэй байдаг “зузаан туршлага” энэ намд бий. Тэгэхээр нэр дэвшигчээсээ мөнгөн хандив авахгүй гэдэг нь ч худлаа ёс зүйтэй улстөрчийг нэр дэвшүүлнэ гэдэг яриа ч бас шал худлаа байж таараад байна.
 
 
Ц.Жаргалсүрэн
Эх сурвалж: “Зууны мэдээ” сонин
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Эмээ 2020-01-31 09:18:25
    Юун сонгууль .Одоо бүгдийг чинь цаазлаад бүх хөрөнгийг чинь хурааж нүглийг чинь шүүх цаг ирчихээд байна. Бас сонгогдоно гэж тооцоолоод та нар больж үз.
  • irgen 2020-01-19 11:35:39
    erh b8dend bgaa sanalaal ogohgui bhad l boloo shuudee devshij l baig songolt bidnii gart bgaa bizdee
  • Зочин  2020-01-18 16:18:40
    НААДУУЛЧИН ОВОГ НЭРЭЭ СОЛЬЖ МАГАДГҮЙ ШҮҮ!!!!
  • Mafi 2020-01-18 06:04:25
    Bi maniin gishvvn bailaa odoonamyn dargyn helsneer bolmafiin gishvvn yum baihaa
  • Зочин 2020-01-17 03:28:34
    Энэ онд олон жил суусан овоо нар болон жду хэсангаас монго авсан мон ундармаа гарамжав мэтийн авгай нарыг сонгохгуй шуу ард тумэн мэдэж байгаа шуу
  • Инженер 2020-01-16 14:55:17
    ЖДҮ чид болон олон дахин гишүүнээр ажилласан хөгшчүүдийг сонгохгүй байя
  • Монгол  2020-01-16 12:25:11
    За хүмүүс минь, ЖДҮ-д холбогдсон л бол Бурхан багш ч байсан сонгохгүй байя. Тэгэх үү? Тэгвэл дарга нар энэ мэт юм хийх ээ эрхбиш багасна. Бүр нэг бодъё.
  • бат 2020-01-16 11:19:36
    ждү чдийг цаазаар авсан тохиолдолд М онгол үсрэнгү хөгжинө
  • БАХ 2020-01-16 09:45:12
    МАН-ын сонгуульд дэвшүүлэх хүний нь төлөө яасан их санаа зовсон чацага вэ? Хэнийгээ дэвшүүлэх нь тухайн намын хэрэг. Муу хүн дэвшүүлбэл унана л биз.
    • БАХ 2020-01-16 09:48:57
      МАН унах хүн дэвшүүлчихвы гэж чацага чинь савираад байгаа юм уу? Унах хүн дэвшүүлэг л дээ. Чи тэгээд яах гээв.
  • Зочин 2020-01-16 06:46:38
    Ардын нам худлаа ярьж ард тумнийг хошигруулаж байгаа шуу дээ энэ намд ес зуйтэй хун байхгуй хоер том нь 7 жилийн омно XXБанкны 14.0 тэр бумын автор шуу дээ
    • Songogch 2020-01-18 06:12:47
      Hvrelsvhvvriin ni helsenbolzlyg bvren hangasan bolobsrolgvi topor gedeg nuuts nertei baga tvrvvch arban dvrbenterbum tvgrvgvvr ulsaa hohirooson hvn hvrel tolgoi...
  • зо 2020-01-16 06:40:44
    Нэр дэвшсэн байсан ч бүү сонгоорой доо ард түмэн минь, Өгсөн болгонийг н аваад л бай. бүү сонго??????????????????????????????
    192.82.66.172
    Мэдэгдсэн Хариулах
  • zochin 2020-01-16 06:02:19
    handlagaa oorchilj arai oodrogoor bodoj tungaa. yum bolgoniig harluulj hun bolgoniig harddag ardchilagch nertnuuded ch gesen no baigaa. togs yum gej baihgui. ...
  • А 2020-01-16 04:49:53
    Дэнчин, хандив хоёр ялгаатай. Хандив буцдаггүй. Гишүүн болохгүй бол дэнчингийн мөнгө буцах уу?
  • !?? 2020-01-16 04:31:11
    Мөнгөгүйгээр сонгуульд орно гэж хаа ч байхгүй, МАН урьд өмнө храасан их мөнгөө хэрэглэх юм байна л даа! Улсын төсвөөс хуссан ч байж мэднэ шүү!!!
  • Zocnin 2020-01-16 04:18:34
    Yal awah yostoi humuus yun ner dewshih Maliin hulgaicndaas cn iluu ard tumen ulsad hohirol ucnruulj bgaa deeremcnid
  • Зочин 2020-01-16 04:06:29
    Шүүх, прокурор, АТГ-ыг ХЗДХ-ын сайд хариуцдаг юм уу. Ж.сүрэн? Сэтгүүлчид үнэн мэдээлэл өгөх ёстой шүү. ХЗДХ-ын сайд Цагдааг хариуцдаг.
  • зочин 2020-01-16 04:00:33
    Маяагаа гэдэг л байсандаа
  • Думаа 2020-01-16 03:37:36
    ЖДҮ энэ бол албан тушаалаа ашиглаж бага хүүтэй зээл авсан гэхдээ их хурлын гишүүн авч болохгүй гэсэн заалт байхгүй нэг ийм сэдэв хэрэг биш
  • Иргэн 2020-01-16 03:25:55
    Буруу замаар будаа тээвэл буцахдаа шороо тээнэ гэж нэг үг бийшдээ?! Ер нь их буруу технологи сонгосон шүү та нар?! Эрх мэдэл албан тушаал гэдэг мөнхийн биш?!.
  • Бат 2020-01-16 03:09:32
    АН ын захиалгаар элдэв юм эрээчдэг АНын бууны нохой Жа -тан та боливол яасан юм бэ чамтай чамгүй ард түмэн сонголтой хийж л таараа