Эрүүл мэндийн даатгалд иргэд сар бүр 2 хувь, албан байгууллага хоёр хувийг төлдөг. Нэг үгээр сарын цалингийнхаа дөрвөн хувийг Эрүүл мэндийн даатгалд төлдөг гэсэн үг. Гэвч энэ мөнгөнийхөө үр шимийг хүртэж чаддаггүй. Иймээс  Эрүүл мэндийн даатгалын үр ашгийн нэмэгдүүлэхээр иргэдийг спорт клубуудад хичээллүүлэх шийдвэр гаргаад багагүй хугацаа өнгөрч байна. Ийн дуншиж дуншиж энэ оны эхнээс дээрх шийдвэр хэрэгжиж эхлэхээр болсон ч бодит хөрсөн дээр буух эсэх нь эргэлзээтэй байна.

Учир нь иргэд хөнгөлөлт эдлэхийн тулд магадлан итгэмжлэл авсан спорт клубуудад гурваас дээш сар төлбөрөө бөөнд нь төлсөн байх шаардлагатай. Ингэж гэмээн эрүүл мэндийн даатгалаас 60 мянган төгрөг авна.  Сарын 20 мянган төгрөг гэсэн үг. Багагүй хүлээлт үүсгэсэн шийдвэр ийнхүү иргэдийн урмыг хугаллаа. Иргэдээ эрүүл, идэвхтэй хөдөлгөөнтэй байлгах, эрүүл мэндийн даатгалын үр ашгийг нэмэгдүүлэхэд чиглэсэн энэхүү шийдвэр иргэдийн урмыг хугаллаа.

Сая гаруй хүн амтай Улаанбаатар хотод магадлан итгэмжлэл авсан найман фитнесс клуб байгаа нь дээрх шийдвэр амьдралд нийцэхгүй тооцоолол муутай байгааг харж болно.
 
О.ОНОН