Засаг даргын орлогч Н.Гантөмөр автомашин борлуулагчидтай уулзлаа
Нийслэлийн Засаг даргын Зам тээвэр, дэд бүтцийн асуудал хариуцсан орлогч, Замын хөдөлгөөний ачааллыг бууруулах ажлын хэсгийн дарга Н.Гантөмөр задгай талбайд автомашины худалдаа эрхлэгчдийн төлөөлөлтэй уулзаж санал солилцлоо.
 
Агаар болон хөрсний бохирдлыг багасгах, замын хөдөлгөөний ачаалал, түгжрэл, ослыг бууруулах зэрэг ажлыг шуурхай шийдвэрлэх зорилгоор нийслэлийн Засаг дарга 2013 оны “Техникийн захуудын талаар авах зарим арга хэмжээнүүдийн тухай” А/980 дугаар захирамж гаргасан. Мөн энэ ажлыг хурдасгах зорилгоор Нийслэлийн Иргэдийн Төлөөлөгчдийн Хурлын Тэргүүлэгчдийн 2014 оны 3 дугаар сарын 21-ний өдрийн хуралдаанаар Сонгинохайрхан дүүргийн 32 дугаар хорооны нутаг дэвсгэрт 130 га газарт “Авто худалдааны цогцолбор ” барьж байгуулах тухай 29 дүгээр тогтоол гаргасан юм. Тогтоол, захирамжийн дагуу  цогцолборын эхний ээлжийн бүтээн байгуулалтын ажил үргэлжилж байгаа бөгөөд ирэх сарын 1-ний дотор ил задгай талбайд автомашин борлуулагчдыг заагдсан талбайд нүүлгэн, шилжүүлнэ.
 
Харин дээрх шийдвэртэй холбоотойгоор автомашин борлуулагчид “Худалдааны цогцолбор бүтээн байгуулах, нүүлгэн шилжүүлэх шийдвэрийг дэмжиж байгаа ч өнөөдрийн байдлаар тухайн газарт бүтээн байгуулалтын ажил хангалтгүй, ажиллах орчин нөхцөл бүрдээгүй байгаа тул 10 дугаар сарын 1-нд ашиглалтад орох эсэхэд итгэл муутай байгаа” гэдгээ уулзалтын үеэр хэллээ. Тиймээс ажиллах орчин нөхцөлийг бүрдүүлж борлуулагчид болон худалдан авагчдын наад захын хэрэгцээг нэг дор төвлөрүүлж өгөхийг хүссэн юм.
 
Нийслэлийн Засаг даргын Зам тээвэр, дэд бүтцийн асуудал хариуцсан орлогч, Замын хөдөлгөөний ачааллыг бууруулах ажлын хэсгийн дарга Н.Гантөмөр  “Авто худалдааны төв” ОНӨААТҮГ-ын ТУЗ-ийн хурлаар бүтээн байгуулалтын ажил ямар шатандаа явж байгаа тухай нарийвчилсан мэдээлэл авч, энэ асуудлаар 9 дүгээр сарын 29 буюу ирэх даваа гаригт дахин борлуулагчидтай уулзана” гэлээ. Мөн авто худалдааны цогцолборын эхний ээлжийн бүтээн байгуулалтаар  автомашины худалдааны төвийн дулааны цэг, цахилгаан, оношилгооны төв, цайны газар, 00 зэргийг ашиглалтад оруулна гэдгийг тус цогцолборын удирдлагууд мэдээлж байгаа юм.
 
Одоогоор Улаанбаатар хотод автомашин, техник, сэлбэгийн худалдаа эрхэлдэг томоохон 9 зах нийт 25 орчим га талбайд ойролцоогоор 7000 автомашины худалдаа эрхэлдэг бөгөөд  шинэ техникийн зах руу нүүлгэснээр Улаанбаатар хотын замын хөдөлгөөний ачаалал 40 орчим хувиар буурна гэсэн тооцоо байна.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ирээдүй 2014-09-28 05:20:53
    тархи нь хатингаршчихсан иим нөхдүүдээр дүүрэн засаг яаж хол явах вэ дээ.наадахыг чинь хотын баруун захыг нам түгжих ажиллагаа гэдэг юм.үүл даргынхаар бол 0 зогсолт .райбус яасан судалгаагүй тэнэглэлээ зогсоо.улс хохироод байна.хариуцах эзэнтэй болго.
    150.129.143.66
    Мэдэгдсэн Хариулах
  • зочин 2014-09-27 03:26:52
    энэ ажлыг дэмжиж байгаа, би нүүхэд бэлэн, замын түгжрэл, утаа тоос, хог шороо,дуу чимээ олон асуудал шийдэгдэнэ. Гантөмөр чинь харин амьдрал мэддэг нөхөр шүү.Маргааш биш өнөөдөр шийдэх нь чухал.
    112.72.13.38
    Мэдэгдсэн Хариулах
  • гүржав 2014-09-27 01:12:46
    та нар төмөр замд худлаа шоудах зорилгоо хангах зорилгоор нэг хог шахчихаад алдагдал хүлээх болохоор төмөр зам хүлээнэ гэж яаж хэлж чадаж байна аа. метроогоо барьчихаад алдагдал хүлээвэл засгийн газар хүлээнэ гэж ярих уу. 2016 онд бид дахин хууртахгүй шүү
    182.160.2.184
    Мэдэгдсэн Хариулах
  • зочин 2014-09-26 16:05:00
    Уб хотыг бүхлээр нь бүүр дээрээс нь харах хэрэгтэй. Цонхоороо харж ажилладаг хүмүүсийг дахин Хотыг удирдуулж болохгүй. Тархи нь дэндүү жижигхэн байна даа. Ардчилалд дэндүү чанагдаж, тархи нь боловсордоггүй байнга түүхийгээрээ байж бие нь зөнөчихсөн хүмү
    103.229.123.190
    Мэдэгдсэн Хариулах
  • Party 2014-09-26 13:06:43
    НАМ ҮЗЭЛ БОДОЛ ХАМААГҮЙ ЭХЛЭЭД ЭДИЙН ЗАСАГЖИХ ХЭРЭГТЭЙ
    203.194.117.195
    Мэдэгдсэн Хариулах