Засгийн газрын бүтэц яригдахад Н.Удвал сайдын суудлыг сэлгэх талаар “бор шувуу” нисч байгаа энэ үед салбар нь ч таагүй байдалд орсоор байна.
Эрхэм сайдтан төрийн ордонд “Бага насны хүүхдийн эндэгдлийг бууруулахад нийгмийн хариуцлагыг нэмэгдүүлэх тухай” танилцуулгыг Засгийн газрын хуралдаанд танилцуулж байхад II төрөх эмнэлгийн эмч ажилчид Улаанбаатар их дэлгүүрийн гадаа жагсаал зохион байгуулж байсан юм.
Учир нь тус эмнэлгийн эргэн тойронд баригдсан том барилгуудаас болж халаалт нь доголдон, эх, хүүхэд эсэн мэнд амаржиж, төрөхөд хэцүү болсон гэнэ. Тиймээс нийслэлийн Засаг дарга тус дэлгүүрийн дулааны шугамаас халаалтаа авч II төрөх эмнэлгийг халаах тухай шийдвэр гарсан. Гэсэн ч эмнэлэг өнөөг хүртэл халаатгүй байгаа тул ийн жагсаал хийхэд хүрсэн аж.
Тэдний энэхүү үйлдлийг харсан иргэд “Сайдын суудлаасаа илүү салбараа бодохгүй байсаар мухардалд орох нь” хэмээн ихэд халаглангуй байна лээ.
Үнэхээр ч ажлаа авсан өдрөөсөө анхаарал хандуулсан бол арга ядахад салбарынхан нь сайддаа ам сайтай байх байсан даа, хөөрхий. Тэгсэнсэн бол өнөө цагт сайд авхай саарал ордноор суудлын дажин хийж гүйхгүй сэтгэл амар байх байсансан.
Өглөөний сонин
Эрхэм сайдтан төрийн ордонд “Бага насны хүүхдийн эндэгдлийг бууруулахад нийгмийн хариуцлагыг нэмэгдүүлэх тухай” танилцуулгыг Засгийн газрын хуралдаанд танилцуулж байхад II төрөх эмнэлгийн эмч ажилчид Улаанбаатар их дэлгүүрийн гадаа жагсаал зохион байгуулж байсан юм.
Учир нь тус эмнэлгийн эргэн тойронд баригдсан том барилгуудаас болж халаалт нь доголдон, эх, хүүхэд эсэн мэнд амаржиж, төрөхөд хэцүү болсон гэнэ. Тиймээс нийслэлийн Засаг дарга тус дэлгүүрийн дулааны шугамаас халаалтаа авч II төрөх эмнэлгийг халаах тухай шийдвэр гарсан. Гэсэн ч эмнэлэг өнөөг хүртэл халаатгүй байгаа тул ийн жагсаал хийхэд хүрсэн аж.
Тэдний энэхүү үйлдлийг харсан иргэд “Сайдын суудлаасаа илүү салбараа бодохгүй байсаар мухардалд орох нь” хэмээн ихэд халаглангуй байна лээ.
Үнэхээр ч ажлаа авсан өдрөөсөө анхаарал хандуулсан бол арга ядахад салбарынхан нь сайддаа ам сайтай байх байсан даа, хөөрхий. Тэгсэнсэн бол өнөө цагт сайд авхай саарал ордноор суудлын дажин хийж гүйхгүй сэтгэл амар байх байсансан.
Өглөөний сонин