Монгол туургатнуудын шимтэн үзэх дуртай “Алтан бүс”-ийн барилдаан ӨМАЗО-ны Ордос хотноо энэ сарын 21-22-ны өдрүүдэд болж өнгөрлөө.
Энэ сарын 21-нд мэргэжлийн бөхийн “Алтан бүс”-ийн төлөөх барилдаан болж, Улсын аварга Н.Батсуурь түрүүлж, Б.Тэмүүлэн үзүүрлэсэн байна. Харин энэ сарын 22-нд буюу өчигдөр Өвөр Монгол бөхийн “Алтан бүс”-ийн төлөөх барилдаанд Өвөр Монгол орны Шилийн гол аймгийн Зүүн Үзэмчин Хошууны уугуул С.Өлзийбаатар арслан найм даван түрүүлж, “Алтан бүс”-ийн эзэн болсон бол Улсын харцага О.Хангай үзүүрлэсэн бол аймгийн арслан Ш.Пүрэвгарьд, Улсын начин Д.Амаржаргал нар шөвгийн дөрөвт үлджээ.