Утаа мэдрэгчийг арванхоёрдугаар сард багтаан 167 мянган өрхөд үнэгүй олгоно

Сайжруулсан шахмал түлштэй холбоотой цаг үеийн асуудлаар өнөөдөр НОБГ-ын Гамшгаас урьдчилан сэргийлэх хэлтсийн дарга, хурандаа Г.Нэргүй, Нийслэлийн Мэргэжлийн хяналтын газрын Агаарын чанарын хяналтын хэлтсийн дарга Н.Шижир-Оргил, Нийслэлийн Агаарын бохирдолтой тэмцэх газрын ахлах мэргэжилтэн О.Алтангэрэл нар мэдээлэл хийлээ. Нийслэлийн хэмжээнд галлагааны улирал ид эхэлсэн аравдугаар сартай харьцуулахад угаарын дуудлага эрс багассан байна. Өнгөрсөн долоо хоногт гэхэд угаарын хийнд хордсон байж болзошгүй нэг дуудлага НОБГ-т бүртгэгджээ.

НОБГ-ын Гамшгаас урьдчилан сэргийлэх хэлтсийн дарга Г.Нэргүй “Гэр хорооллын айл өрхүүд нэг үеэ бодвол сайжруулсан шахмал түлшийг зөв хэрэглэж сураад  байна. Одоо угаарын хийн хордлого гэхээсээ илүү сайжруулсан шахмал түлшний  борлуулалт түгээлт, хэрэглээ болон түүхийн нүүрсний хяналт шалгалтад түлхүү анхаарал хандуулан ажиллаж байна. Агаарын бохирдлын үзүүлэлтийн хувьд  мэргэжлийн байгууллагуудын дүгнэлтээр өмнөх онуудаас 50 хувь буурсан гэдэг  мэдээлэл бий. НОБГ, НЦГ, НЭМГ-ууд 24 цагаар ээлжлэн бүрэлдэхүүн гаргаж,  шахмал түлштэй холбоотой асуудлаарх дуудлагад хариу өгч, заавар зөвлөмж, тусламж үзүүлж байна. Цаашид шахмал түлшний борлуулалтыг эрчимжүүлэх,  захиалга нийлүүлэлтэд онцгой анхаарч, үйлдвэрийн бүх шугамуудыг доголдолгүй ажиллуулж цэгүүдэд түлш тасалдахгүй байх чиглэлд үүрэг болгож ажиллаж байна” хэмээв. Мөн энэ үеэр утаа мэдрэгчийг гэр хорооллын 167 мянган өрхөд арванхоёрдугаар сард багтаан үнэгүй олгохоор ажиллаж байна гэлээ.

Нийслэлийн Мэргэжлийн хяналтын газрын агаарын чанарын хяналтын хэлтсийн дарга Н.Шижир-Оргил “Нийслэлийн Мэргэжлийн хяналтын газарт 2 иргэн түүхий нүүрсэн хэрэглэж байна гэсэн дуудлага өнгөрсөн шөнө ирсэн. Энэ дагуу хяналт шалгалтын ажлыг явуулахад иргэн, аж ахуйн нэгж түүхий нүүрс түлээгүй болохыг тогтоосон. Харин шалган нэвтрүүлэх товчоодоор түүхий нүүрс тээвэрлэх,  нэвтрүүлэхэд хяналт тавихад Налайхаас 12 тонн нүүрс тээвэрлэж явсныг илрүүлсэн” гэлээ.

Улаанбаатар хотын агаарын чанарыг өнгөрсөн оны мөн үетэй харьцуулахад PM2.5 тоосонцор 20 хувь, PM10 тоосонцор 30 хувь багассан гэдгийг Нийслэлийн Агаарын бохирдолтой тэмцэх газрын ахлах мэргэжилтэн О.Алтангэрэл хэлсэн.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • монгол 2019-12-12 11:50:22
    Бас л нэг шахаа. Үнэгүй юм гэж энэ дэлхийд хаач байхгүй. Мөнгийг нь ард түмний татвараас гаргана шдээ малаа.
  • - 2019-12-12 09:15:32
    Угаарын хий мэдрэгчийг улсын төсвийн хөрөнгөөр авч байгаа биз дээ? Улсын хэмээх эзэнгүй мөнгөөр мөн ч туйлах юм даа!!! Засвраар нь хичнээнийг цохиж байгаа бол ...
  • zojin 2019-12-12 08:08:09
    Utaa medregj, ugaariin khii medregj 2 oor medregjuud. Utaa medregj bol gal garhaas sergiilj utaag mederdeg, CO medregj bol oor. CO medregj heregtei
    • kkk 2019-12-13 05:06:34
      zojin уг нь зөв бичсэн байна. Угаарын хийг мэдрэх нь илүү чухал. Утаа мэдэрнэ гэвэл арай л өөр. Угаарын хийн мэдрэгч нь MQ-7 юм л даа. Харин утааных бол MQ2 юм ...
  • Бат 2019-12-12 07:05:51
    Шахмал түлш тасрахгүй хангалттай байгаа л бол нүүрс түлсэн өрхийг өндөр торго л доо нөгөө бидний хэрээ мэдэж хэрэг хийдэг нийгэмдээ ороод удлаа