Улс төрийн 20 гаруй нам нэгдэн "Эв нэгдлийн төлөө" анхдугаар чуулганыг энэ сарын 26-ны өдөр буюу өчигдөр "Туушин" зочид буудалд зохион байгуулагдлаа. Уг чуулган нь Монгол Улсын өнгөрсөн 30 жилийн нийгэм, эдийн засаг, улс төрийн амьдралд үнэлэлт дүгнэлт өгөхөөс гадна цаашид улс орныг хөгжүүлэх хөгжлийн хөтөлбөрийг боловсруулах зорилготой юм. Энэ дагуу улс төрийн 21 намын удирдлага, гишүүд улс орны хөгжил шинэчлэлийн төлөө нэгдэж буйгаа зарлаж, илтгэл хэлэлцүүлэв. Улс төрийн намууд 2020 оны сонгуульд МАНАН-гийн эсрэг бусад намууд гэсэн сонголтыг бий болгож гуравдагч хүчин зохион байгуулах эхлэлийг тавьж байгаа аж.
“Эв нэгдлийн төлөө” улс төрийн намуудын анхдугаар зөвлөгөөнөөс уриалга гаргаж, тунхаг бичигт гарын үсэг зурсан юм. Мөн намууд цаашид нэгдэж, ажлын хэсэг байгуулж өргөн хүрээнд хамтарч ажиллах юм.
“Эв нэгдлийн төлөө” улс төрийн намуудын анхдугаар зөвлөгөөнөөс уриалга гаргаж, тунхаг бичигт гарын үсэг зурсан юм. Мөн намууд цаашид нэгдэж, ажлын хэсэг байгуулж өргөн хүрээнд хамтарч ажиллах юм.