УИХ-ын чуулганы өнөөдрийн хуралдааны эхэнд Санхүүгийн зохицуулах хорооны даргыг үүрэгт ажлаас нь чөлөөлөх асуудлыг үргэлжүүлэв хэлэлцлээ. Тус хорооны дарга С.Даваасүрэн нь өөрийн хүсэлтээр үүрэгт ажлаас чөлөөлөгдөх өргөдөл ирүүлсэн тул Санхүүгийн зохицуулах хорооны эрх зүйн байдлын тухай хуулийн 13 дугаар зүйлийн 13.1.3 дахь заалтыг үндэслэн уг асуудлыг хэлэлцүүлж байгаа юм.

Өнгөрсөн долоо хоногт хэлэлцэж байгаа асуудалтай холбогдуулан гишүүд асуулт асууж, хариулт авсан учир өнөөдөр байнгын хорооны саналаар С.Даваасүрэнг өөрийн хүсэлтээр чөлөөлөх асуудлаар санал хураалт явууллаа. Улмаар С.Даваасүрэнг үүрэгт ажлаас нь чөлөөлөхийг гишүүдийн 60,5 хувь нь дэмжлээ.
 
П.ГОО