Улсын Их Хурлын 2019 оны намрын ээлжит чуулганы 2019 оны 11 дүгээр сарын 14-ны өдрийн үдээс хойших нэгдсэн хуралдаанаар Улсын Их Хурлын гишүүн Д.Лүндээжанцан нарын 62 гишүүнээс 2019 оны 06 дугаар сарын 06-ны өдөр өргөн мэдүүлсэн Монгол Улсын Үндсэн хуульд оруулах нэмэлт, өөрчлөлтийн төсөл-ийн гурав дахь хэлэлцүүлгийг хийж эцэслэн баталсан.

Үндсэн хуулийн нэмэлт, өөрчлөлтийг баталснаас хойш ажлын хоёр өдрийн дотор Улсын Их Хурлын дарга Ерөнхийлөгчид биечлэн хүргэж танилцуулна гэсний дагуу дээрх арга хэмжээ өнөөдөр 16:00 цагт Төрийн ёслол хүндэтгэлийн А танхимд болно.

С.Цэц