Нийслэлийн Ерөнхий боловсролын нэгдүгээр сургууль сурагчдын үдийн цай хөтөлбөрт маш хариуцлагагүй хандаж, эрүүл ахуйн шаардлага хангаагүй хүнсний бүтээгдэхүүн нийлүүлж буй талаар багш нарын төлөөлөл өчигдөр хэвлэлд хандан мэдээлэл хийсэн.
Сануулахад, Нэгдүгээр сургуулийн сурагчдын үдийн цайнд өгөхөөр бэлтгэсэн боорцгийг үзэхэд, ямар ч хаяг шошгогүй, хатаж удсан шинжтэй байжээ. Тиймээс энэ тухай тус сургуулийн багш нарын зүгээс эмч, нийгмийн ажилтан, нярав нарт мэдэгдэж, халдварт өвчин гарах эрсдэлтэйг анхааруулсан байна. Гэтэл өмнөөс нь “Захирал тараа гэсэн, хэрэв тараахгүй бол ажлаас чинь хална гэсэн” гэх тайлбарыг өгсөн байна. Мөн дэр бүтээгдэхүүнээс үүдэн хэд хэдэн хүүхдэд хордлогын шинж тэмдэг илэрсэн байдаг. Энэ тухай тус сургуулийн багш нар олон нийтэд дэлгэсэн.
Тэгвэл эдгээр багш нарыг ажлаас халах шийдвэр гаргасан байна. Тодруулбал, хэвлэлийн хуралд оролцсон Ч.Энхнасан багш, сургуулийн эмч Д.Болормаа нарыг тус сургуулийн захирлын албан үүргийг түр орлон гүйцэтгэгч Д.Цогзолмаа ажлаас халах шийдвэр гаргасан байна.
Д.Цогзолмаа захирлын хувьд өөрийнхөө тушаалаар томилсон Ёс зүйн хороонд өөрийнхөө болон НМХГ-ын байцаагч Отгонбор нарын өргөдлийг хэлэлцүүлж дээрх шийдвэр гарсаныг эх сурвалжууд мэдээлж байна. Ийнхүү сурагчдын эрх ашгийг хамгаалахаар олон нийтэд дуу хоолойгоо хүргэсэн багш, эмч хоёр ажилгүй боллоо. Сурагчдын эрүүл, аюулгүй байдлыг нэн тэргүүнд тавьж, шаардсан багш нараа хөөн гаргаж буй нэгдүгээр сургуулийн захирлын албан үүргийг түр орлон гүйцэтгэгч Д.Цогзолмаагийн үйлдлийг холбогдох яам агентлагууд анхааралдаа авах шаардлагатай байгааг хэлэх нь илүүц биз.
О.ОНОН
Сануулахад, Нэгдүгээр сургуулийн сурагчдын үдийн цайнд өгөхөөр бэлтгэсэн боорцгийг үзэхэд, ямар ч хаяг шошгогүй, хатаж удсан шинжтэй байжээ. Тиймээс энэ тухай тус сургуулийн багш нарын зүгээс эмч, нийгмийн ажилтан, нярав нарт мэдэгдэж, халдварт өвчин гарах эрсдэлтэйг анхааруулсан байна. Гэтэл өмнөөс нь “Захирал тараа гэсэн, хэрэв тараахгүй бол ажлаас чинь хална гэсэн” гэх тайлбарыг өгсөн байна. Мөн дэр бүтээгдэхүүнээс үүдэн хэд хэдэн хүүхдэд хордлогын шинж тэмдэг илэрсэн байдаг. Энэ тухай тус сургуулийн багш нар олон нийтэд дэлгэсэн.
Тэгвэл эдгээр багш нарыг ажлаас халах шийдвэр гаргасан байна. Тодруулбал, хэвлэлийн хуралд оролцсон Ч.Энхнасан багш, сургуулийн эмч Д.Болормаа нарыг тус сургуулийн захирлын албан үүргийг түр орлон гүйцэтгэгч Д.Цогзолмаа ажлаас халах шийдвэр гаргасан байна.
Д.Цогзолмаа захирлын хувьд өөрийнхөө тушаалаар томилсон Ёс зүйн хороонд өөрийнхөө болон НМХГ-ын байцаагч Отгонбор нарын өргөдлийг хэлэлцүүлж дээрх шийдвэр гарсаныг эх сурвалжууд мэдээлж байна. Ийнхүү сурагчдын эрх ашгийг хамгаалахаар олон нийтэд дуу хоолойгоо хүргэсэн багш, эмч хоёр ажилгүй боллоо. Сурагчдын эрүүл, аюулгүй байдлыг нэн тэргүүнд тавьж, шаардсан багш нараа хөөн гаргаж буй нэгдүгээр сургуулийн захирлын албан үүргийг түр орлон гүйцэтгэгч Д.Цогзолмаагийн үйлдлийг холбогдох яам агентлагууд анхааралдаа авах шаардлагатай байгааг хэлэх нь илүүц биз.
О.ОНОН
Бусдад түгээх
