Манай улсад хорт хавдрын өвчлөл нэмэгдэж, хүн амын нас баралтын өссөөр байна. Гэвч эрх баригчдын зүгээс энэ асуудалд анхаарал хандуулахдаа хойрго хандсаар байгаа аж. Өнгөрсөн долоо хоногт байнгын хорооны хуралдааны үеэр ХСҮТ-ийн өргөтгөлд 19.3 тэрбум төгрөг шаардлагатай байгаагаа дуулгасан. Тодруулбал, ХСҮТ “Энэр мед” эмнэлгийн 10 мянган мкв бүхий барилгыг ХСҮТ-ийн өргөтгөлийн нэг хэсэг болгон ашиглах урьдчилсан гэрээг хийгээд байгаа аж. Үүнд 19.3 тэрбум төгрөг шаардагдах аж. Энэ мөнгөний 5.9 тэрбум төгрөг нь гарааны хөрөнгө оруулалтад буюу эмнэлгийн тавилга, эд хогшилд зарцуулагдах бол урсгал зардалд 13 тэрбум төгрөгийг зарцуулах тооцоо гарсан байна.
Гэтэл Сангийн сайд Ч.Хүрэлбаатар “Хүнд өвчний нэр хэлээд мөнгө нэхдэг хандлага нь буруу” хэмээсэн нь олон нийтийн дургүйцлийг түрүүлээд байна. Ийнхүү төр хавдар өвчнөөр шаналж буй мянга мянган иргэнээс нүүрээ буруулж байгаагаа Сангийн сайд нь дамжууллаа.
Үүнтэй холбогдуулан ХСҮТ-ийн дарга Ж.Чинбүрэн “Хавдар Судлалын Үндэсний Төвийн ажилчид бид өөрсөддөө мөнгө гуйсангүй, уг өвчнөөр хэн нэгнийг айлгаж сүрдүүлэх гэсэнгүй сүүлийн гурван жилийн турш төрөөс даана гэсэн хорт хавдрын тусламжийг чанартай хүртээмжтэй болгох гэж бидний зүтгэл, тэмцлийг өгөөжтэй болгуулах гэж Эрхэм гишүүд Та бүхнээс хичээнгүйлэн гуйж байна. Үүний ард хорт хавдар гэдэг өвчнөөр зовсон ард иргэд минь байна.
Миний бие ХСҮТ-д тасралтгүй 22 жил ажиллахдаа өвдсөн зовсон, аврал ирсэн хүмүүст яаж туслах тухай бодож, зорьж баг хамт олноороо хичээн ажилсанаас ямар нэг гавьяа шагнал авах хүсэл, зорилго агуулаагүй.Өвчин зовлонг ялах гарц, арга зам ярьж дуугарахаар өөдөөс хүнд өвчнөөр шоудлаа гэнэ, эсвэл гавьяа шагнал ярих. Энэ мэтээр бидний хүсэл зорилгыг бүү мохоо!” хэмээн бичжээ.
О.ОНОН
Гэтэл Сангийн сайд Ч.Хүрэлбаатар “Хүнд өвчний нэр хэлээд мөнгө нэхдэг хандлага нь буруу” хэмээсэн нь олон нийтийн дургүйцлийг түрүүлээд байна. Ийнхүү төр хавдар өвчнөөр шаналж буй мянга мянган иргэнээс нүүрээ буруулж байгаагаа Сангийн сайд нь дамжууллаа.
Үүнтэй холбогдуулан ХСҮТ-ийн дарга Ж.Чинбүрэн “Хавдар Судлалын Үндэсний Төвийн ажилчид бид өөрсөддөө мөнгө гуйсангүй, уг өвчнөөр хэн нэгнийг айлгаж сүрдүүлэх гэсэнгүй сүүлийн гурван жилийн турш төрөөс даана гэсэн хорт хавдрын тусламжийг чанартай хүртээмжтэй болгох гэж бидний зүтгэл, тэмцлийг өгөөжтэй болгуулах гэж Эрхэм гишүүд Та бүхнээс хичээнгүйлэн гуйж байна. Үүний ард хорт хавдар гэдэг өвчнөөр зовсон ард иргэд минь байна.
Миний бие ХСҮТ-д тасралтгүй 22 жил ажиллахдаа өвдсөн зовсон, аврал ирсэн хүмүүст яаж туслах тухай бодож, зорьж баг хамт олноороо хичээн ажилсанаас ямар нэг гавьяа шагнал авах хүсэл, зорилго агуулаагүй.Өвчин зовлонг ялах гарц, арга зам ярьж дуугарахаар өөдөөс хүнд өвчнөөр шоудлаа гэнэ, эсвэл гавьяа шагнал ярих. Энэ мэтээр бидний хүсэл зорилгыг бүү мохоо!” хэмээн бичжээ.
О.ОНОН