Олон улсын хөлбөмбөгийн холбооны ерөнхийлөгч Жианни Инфантиног хүлээн авч уулзлаа

Монгол Улсын Ерөнхийлөгч Х.Баттулга өнөөдөр Олон улсын хөлбөмбөгийн холбоо (ОУХБХ)-ны ерөнхийлөгч Жианни Инфантиног хүлээн авч уулзлаа.

Уулзалтын эхэнд Монгол Улсын Ерөнхийлөгч Х.Баттулга Монгол хүүхдүүд хөлбөмбөгийн спортоор хичээллэх болоод мэргэжлийн хэмжээнд хөгжихөд ОУХБХ-ны үзүүлж буй тусламж дэмжлэг их байгааг дурдаад холбоод хоорондын харилцаагаа улам бэхжүүлж Монгол Улсад хүрэлцэн ирсэнд талархал илэрхийлсэн юм.

Мөн Улаанбаатар хотод “Азийн хүүхдүүд-2020” олон улсын спортын наадам болохтой холбогдуулан спортын олон төсөл хэрэгжиж буй дотор дэлхийн стандартад нийцсэн хөлбөмбөгийн талбай баригдсан талаар хэлж, цаашдаа битүү дээвэртэй хөлбөмбөгийн стадион барих асуудлаар ярилцлаа. Хөлбөмбөгийн стадион барихад ОУХБХ-ны зөвлөгөө, арга туршлага зайлшгүй хэрэгтэйг Монгол Улсын Ерөнхийлөгч тодотгоод энэ асуудлаар Монголын хөлбөмбөгийн холбоонд дэмжлэг үзүүлж хамтран ажиллахыг хүссэн юм.

Мөн одоо байгаа хөлбөмбөгийн талбай дундаас хоёрыг нь Air dome ашиглан битүүлэх, шаардагдах зардлыг 50, 50 хувиар гаргах асуудлаар ойлголцолд хүрсэн юм.

Түүнчлэн багийн спорт, тэр дундаа хөлбөмбөгийн спортоор хичээллэх нь өсвөр насны хүүхдүүдийн чөлөөт цагаа зөв боловсон өнгөрөөх, хүмүүжилтэй болоход томоохон түлхэц болдог учраас сум орон нутгийн гэлтгүй хөлбөмбөгийн талбайг шинэчлэх ажил эхэлсэн тул багш бэлтгэх, арга зүйн туслалцаа үзүүлэх зэрэг дэмжлэг хүсэж, холбоод хооронд хамтран ажиллахаар тохирлоо.

Мэдээний дүрсийг хүлээн авч үзнэ үү:


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2019-10-17 05:47:42
    ERENHKIILEGCHID YARALTAI SHIIDEKH ASUUDAL ZENDEE bna / hkelbembegees eer/
    192.82.68.14
    Мэдэгдсэн Хариулах