Хөтөлийн цемент шохойны үйлдвэрээ Улсын өмч болгоцгооё гэв
ЗТХ Сайдын зөвлөх Б.Цогтгэрэл өөрийн фэйсбүүк хуудаснаа “Хөтөлийн цемент шохойны Үйлдвэрээ Улсын өмч болгоцгооё” хэмээн уриалга гаргажээ. 
Тэрбээр “"Хөтөл цемент шохой" үйлдвээрийг 1,386,106,400 төгрөгөөр хувьчилсан. Тухайн үед үйлдвэрийн дансанд энэ мөнгө бэлэн байсан.Бодоод үз  дээ. 34 жилийн түүхтэй Улсын үйлдвэрийг ХХБ-ны охин компани Бейзмэнт ХХК-д Арцатын амны Хаусны үнэд ч хүрэхгүй өгчихсөн шүү дээ.

МАНАН бүлэглэлийн сүүлчийн 30-н хархны оромж болсон Хөтөлийн цемент шохойн үйлдвэрийг Онц байдал тогтоон чөлөөлж Улсын мэдэлд авч, үй олоноор халагдсан эгэл жирийн ажилчдыг буцаан ажил нь авч, ажилгүй байсан хугацааны цалинг нөхөн олгож, 30 даргыг хөөн явуулж үйлдвэртээ олон жил ажилласан туршлагатай ажилчдаа дэвшүүлэн ажиллуулж, НДШ 5,3 тэрбум, Татварын 19,3 тэрбум, Хөгжлийн банкны 236 тэрбум төгрөгийн хур өрнүүдийг нэн даруй төлж Монгол Улсын хохиролгүй болгож, Улсад онц их хэмжээний хохирол учруулсан ХХБ-ны гар хөл болсон этгээдүүдэд хариуцлага тооцож чадвал сая "Нийгэмд шударга ёс тогтох" гэдэг Монгол Улсын Ерөнхий сайдын зорилго биелэх буй заа.
Монгол Улсын Татварын Ерөнхий Газраас өгсөн мэдээллийг харвал "Хөтөлийн цемент шохой" ХК-ийн улсын татварт төлөх ёстой татварын нийт өр 13,9 тэрбум төгрөг /2019.09 сарын байдлаар/ байна. Тэгвэл Хөтөлийн үйлдвэрийг хувьчлах шийдвэр бүхий 2015.10.08 өдрийн Төрийн өмчийн хорооны 608 дугаар тогтоолд 2015 оны 10 сарын 15 -ны өдрийн дотор Татварт төлөх ёстой 3,3 тэрбум төгрөгийн өрийг барагдуулна гэж заажээ. Гэвч энэ өрийг төлөх нь бүү хэл харин ч үйлдвэрийн өр өссөөр 13,9 тэрбум төгрөг болоод байна. ТӨХ-ны тогтоол зөрчигдсөн байгаа тул уг хувьчлах тогтоолыг буцааж Хөтөлийн цемент шохойн үйлдвэрийг Улсын өмчид авах бүрэн боломж бүрджээ” хэмээн бичсэн байна. 


О.ОНОН
Бусдад түгээх
  • gplus
Got error 12 from storage engine