МАН: Түлж байгаа стандарт болон зуух зэрэгт яаралтай дүгнэлт гаргах нь зөв гэж үзлээ
УИХ дахь МАН-ын бүлэг /2019.09.07/ хоёр асуудлыг хэлэлцэж шийдвэрлэлээ. Тодруулбал, Ард нийтийн санал асуулга явуулах тогтоолд Ерөнхийлөгчийн тавьсан хоригийг хүлээж авсантай холбогдуулж, цаашид Үндсэн хуулийн өөрчлөлтийг хэрхэн шийдвэрлэх тухай бүлэг хэлэлцлээ. Дараагийн асуудал нь сайжруулсан түлштэй холбоотой Шадар сайд Ө.Энхтүвшин бүлгийн гишүүдэд мэдээлэл хийсэн юм.

Энэ талаар УИХ дахь МАН-ын бүлгийн дарга Д.Тогтохсүрэн “Хоригтой холбоотой тайлбар хэлэхэд есдүгээр сарын дундуур УИХ Монгол Улсын Үндсэн хуульд нэмэлт, өөрчлөлт оруулах хуулийн төслийг хэлэлцээд ард нийтийн санал асуулга явуулах шийдвэр гаргасан. Энэ шийдвэрт Ерөнхийлөгч хориг тавьсан. УИХ өнгөрсөн баасан гаригт хоригийг хэлэлцээд хүлээж авахаар шийдвэрлэлээ. Ингэснээр бидэнд хоёр гарц үлдэж байгаа. Эхний шийдэл нь өмнөх гаргасан тогтоолоо өөрчилж засаад ард нийтийн санал, асуулга явуулах, дараагийнх нь гуравдугаар хэлэлцүүлгээр Үндсэн хуулийн өөрчлөлтийн төслийг батлах юм. Манай бүлэг дээрх хоёр хувилбарыг хэлэлцлээ. Өнгөрсөн долоо хоногт УИХ-ын даргын захирамжаар зөвшилцөх ажлын хэсэг байгуулсан. МАН-аас тав, АН-аас гурван гишүүн, Ерөнхийлөгчийн Тамгын газрын дарга З.Энхболд, Шинэ намын дарга Ж.Батзандан нар ажлын хэсэгт байгаа. Бүлэг хэлэлцээд зөвшилцөх шаардлагатай гэж үзсэн. Өнөөдөр зөвшилцөх ажлын хэсэг хуралдана.

Хоёрдугаар асуудал нь нийслэлд өнгөрсөн долоо хоногт хүйтэрсэн. Сайжруулсан түлштэй холбоотой байж болзошгүй хүний амь эрсдсэн асуудал гарсан. Юуны өмнө эрдэнэт хүний амь нас эрсдсэн явдалд бүлгийн нийт гишүүдийнхээ өмнөөс ар гэрт нь гүн эмгэнэл илэрхийлье. Энэ асуудлаар бүлгийн хурал дээр Засгийн газрын гишүүн, Шадар сайд Ө.Энхтүвшин мэдээлэл хийсэн. Сайжруулсан түлшинд тавьж байгаа хяналт, түлш олголт болон зуухны стандарт зэрэг олон асуудлаар бүлгийн гишүүд ярилцлаа. Ингээд бүлгээс Засгийн газар яаралтай арга хэмжээ авах хэрэгтэй гэсэн чиглэл өгч байна. Мөн энэ асуудалд түлж байгаа стандарт болон зуух зэрэгт яаралтай дүгнэлт гаргах нь зөв гэж үзлээ.

П.ГОО
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ЗОЧИН  2019-10-07 15:01:04
    үнэнийг хэлсэн сэтгэгдлийг устгадаг 24 цагийн хөлсний хүн сууж байна уу
  • ЗОЧИН  2019-10-07 13:49:06
    байгалийн нүүрс түлж байх үед зуухны стандарт гэж юу байсан юм өөрсдийн алдаагаа ард түмэн рүү ахиад чихээд УМХ-ын даваасамбуу гэх нөхөрийг шалга авилга авсан б...
  • дүнхүү толгойт 2019-10-07 08:00:39
    Ямарч түлшнээс бага ихээр угаар ялгардаг юм. Хэрэглэгч, түлш түлээчээс эрэсдэл нь шууд хамааралтай Түлэх стандарт заавараар нь сайн хангаж өгөх хэрэгтэй.
  • 19-р тойргийн сонгогч 2019-10-07 07:33:52
    Олон юм ярилгүй наад Ерөнхий Солиотоо огцруул