Дархан-Уул, Орхон, Сэлэнгэ аймгийн залуучуудын байгууллагууд, иргэдийн төлөөлөл өнөөдөр Дарханы замын нөхцөл байдлын талаар мэдээлэл хийлээ.
Дархан-Уул аймгийн Залуучуудын холбооны тэргүүн Ж.Ганболд "2019 оны зургаадугаар сарын 1-ний өдөр Ерөнхий сайд У.Хүрэлсүх Дарханы зам дээр очоод тууз хайчлаад, замын ажил албан ёсоор эхэлж байгааг зарлаад явсан.
Ингээд салбарын сайд нь удаа дараа энэ зам ирэх 11 дүгээр сард ашиглалтад орно хэмээн мэдэгдсээр байгаа ч орон нутгийн иргэдийн хувьд итгэхгүй байна. Бодит байдал дээр замын ажил наймдугаар сарын дундаас эхэлсэн гэж хэлж болно. Байнга зорчиж байгаа орон нутгийн иргэдийн хувьд маш тайван, хүлцэнгүй хандсаар өдийг хүрсэн ч энэ ажилд хэн хяналт тавьж байна вэ, санхүүжилт нь яг шийдэгдсэн юм уу гэдэг нь эргэлзээтэй байсаар байгаа.
Замын зарим хэсгийг өнөөдрийг хүртэл хуулаагүй хэр нь сайд нь "Дарханы зам арваннэгдүгээр сард ашиглалтад орно" гэж хэлээд байж байна. Байнга зорчиж байгаа бидний хувьд энэ зам арваннэгдүгээр сар гэхэд ашиглалтад орох боломжгүй гэж харж байгаа. Тиймээс дээр дурдсан тодорхойгүй зүйлсийг тодруулахаар өнөөдрөөс холбогдох байгууллагуудад нь хандаж байна" гэлээ.
Тиймээс эдгээр асуудлыг нэгтгэн төр засагт хүргэхээр “Дарханы зам засвар иргэдийн хяналт” фэйсбүүк группийг нээжээ.
Замын нөхцөл байдлын талаарх зургаар ирэх сарын 15-нд Д.Сүхбаатарын талбайд үзэсгэлэн гаргахаар төлөвлөж байна.
О.Гэрэл
Оллоо.mn
Дархан-Уул аймгийн Залуучуудын холбооны тэргүүн Ж.Ганболд "2019 оны зургаадугаар сарын 1-ний өдөр Ерөнхий сайд У.Хүрэлсүх Дарханы зам дээр очоод тууз хайчлаад, замын ажил албан ёсоор эхэлж байгааг зарлаад явсан.
Ингээд салбарын сайд нь удаа дараа энэ зам ирэх 11 дүгээр сард ашиглалтад орно хэмээн мэдэгдсээр байгаа ч орон нутгийн иргэдийн хувьд итгэхгүй байна. Бодит байдал дээр замын ажил наймдугаар сарын дундаас эхэлсэн гэж хэлж болно. Байнга зорчиж байгаа орон нутгийн иргэдийн хувьд маш тайван, хүлцэнгүй хандсаар өдийг хүрсэн ч энэ ажилд хэн хяналт тавьж байна вэ, санхүүжилт нь яг шийдэгдсэн юм уу гэдэг нь эргэлзээтэй байсаар байгаа.
Замын зарим хэсгийг өнөөдрийг хүртэл хуулаагүй хэр нь сайд нь "Дарханы зам арваннэгдүгээр сард ашиглалтад орно" гэж хэлээд байж байна. Байнга зорчиж байгаа бидний хувьд энэ зам арваннэгдүгээр сар гэхэд ашиглалтад орох боломжгүй гэж харж байгаа. Тиймээс дээр дурдсан тодорхойгүй зүйлсийг тодруулахаар өнөөдрөөс холбогдох байгууллагуудад нь хандаж байна" гэлээ.
Тиймээс эдгээр асуудлыг нэгтгэн төр засагт хүргэхээр “Дарханы зам засвар иргэдийн хяналт” фэйсбүүк группийг нээжээ.
Замын нөхцөл байдлын талаарх зургаар ирэх сарын 15-нд Д.Сүхбаатарын талбайд үзэсгэлэн гаргахаар төлөвлөж байна.
О.Гэрэл
Оллоо.mn