Уртын дуучин мэргэжилтэй дуучин Г.Эрдэнэчимэг “Эхийн дуу” нэртэй ээлжит шинэ уран бүтээлээ өлгийдөн авчээ.

Дөрвөн хүүхдийн ээж болсон тэрбээр сүүлийн үед эх орон болоод эхийн тухай дууг илүү дуулж, сонсогч түмэндээ хүргээд байгаа юм. 

Тэгвэл энэ удаагийн шинэ дууг нөхөр С.Жавхлан нь түүнд зориулж, шүлгийг нь бичиж өгчээ.

Дууныхаа клипэнд гэр бүлээрээ тоглосон тэд монгол ахуйг харуулж, Гачууртад байдаг гэртээ зураг авалтаа хийжээ.

Уг уран бүтээл нь Youtube-д тавигдаад хэдхэн хонож байгаа гэхэд 20 гаруй мянган хүн үзсэн байна.

О.Гэрэл
Оллоо.mn