“Мэргэжлийн Аврагч-2019” -д нийслэлийн “Аврах анги-105”-ынхан манлайллаа

Нийслэлийн Онцгой байдлын газраас жил бүр уламжлал болгон зохион байгуулдаг “Мэргэжлийн Аврагч-2019” тэмцээн энэ сарын 12,13-ны өдрүүдэд зохион байгуулагдаж аваргуудаа тодрууллаа.

Нийслэл Улаанбаатар хотын 380 жилийн ойг тохиолдуулан зохион байгуулагдсан тус тэмцээн байгаль цаг агаарын хүнд, бэрхшээлтэй нөхцөл байдалд бэлэн байдлын үзлэг, эрэн хайх, аврах ажиллагаа, уснаас аврах ажиллагаа гэсэн гурван үе шаттайгаар зохион байгуулагдаж шилдгүүдээ тодруулсан юм.

Тэмцээний “Шилдэг офицер”-ын тусгай шагналыг НОБГ-ын Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн салааны захирагч О.Батсайхан, “Шилдэг аврагч”-ийн тусгай шагналыг нийслэлийн “Аврах анги-105”-ын аврагч Д.Төрсүлд, “Шилдэг усчин аврагч”-ийн тусгай шагналыг НОБГ-ын Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн аврагч, гал сөнөөгч А.Мөнх-Оргил нар хүртэж хамт олноо манлайллаа.

Түүнчлэн “Мэргэжлийн аврагч-2019” тусгай бэлтгэлийн тэмцээний нийлбэр оноогоор тэргүүн байрт Нийслэлийн Аврах анги-105, дэд байрт НОБГ-ын Налайх дүүргийн Онцгой байдлын хэлтсийн Гал түймэр унтраах, аврах 28 дугаар анги, гутгаар байрт Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн баг тамирчид шалгарч өргөмжлөл, мөнгөн шагналын эзэд боллоо гэж нийслэлийн Онцгой байдлын газраас мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.