Евгений Онегины дүрд анх удаа  Монгол залуу дуулав

Дуурийн эрэгтэй дуучдын мэргэжлийн замнал, тэмүүллийн нэгэн оргил нь болдог Евгений Онегины дүрд Монголын баритон хоолойт Түвшинжаргалын Энхбат 2019 оны 09 дүгээр сарын 04-ний өдөр Пермийн дуурь, бүжгийн театрын тайзнаа дуулав. Тэрбээр Монголын дуучдаас ОХУ-ын театрын их тайзнаа Евгений Онегины дүрд ийнхүү анх удаа дуулж байгаа ажээ.

“Евгений Онегины дүрийг бүтээх нь миний мөрөөдөл, өмнөө тавьсан нэгэн чухал зорилт байсан. Өмнө нь Онегины дүрд Консерваторын дэргэдэх театр, Эрмитаж болон Финляндад дуулж байсан ч их тайзнаа анх удаа, тэр тусмаа энэхүү дуурийн зохиогч П.И.Чайковскийн нэрэмжит театрт дуулсандаа баяртай байна” гэж Т.Энхбат хэвлэлд өгсөн ярилцлагандаа онцлон тэмдэглэжээ.

Т.Энхбат олон улсын дуурийн хэд хэдэн удаагийн уралдаанд тэргүүн болон шагналт байранд шалгарч байсан бөгөөд Санкт-Петербургийн Н.А.Римский-Корсаковын нэрэмжит улсын консерваторын бакалавр болон аспирантурыг 2017 онд төгссөн ажээ. Тэрбээр 2016-2019 онуудад Санкт-Петербургийн Мариинский театрын гоцлол дуучнаар ажиллаж байгаад энэ сараас Пермийн дуурь, бүжгийн театрт шилжин ажиллаж байгаа юм байна.

ОХУЭСЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • saihan yum be?.... 2019-09-09 09:52:48
    Hyn gedeg amitan ylam l synah yum daa!odoo saihan emegtei dyyriin goz abyastai dyychid tereesei l gej sanah yum!byyr Delhiid gaihyylahaar odoogiin Orosiin dyych...