Бичил уурхайчдад Зөрчлийн тухай хуулиар шийтгэл ногдуулжээ
Баянхонгор аймгийн Мэргэжлийн хяналтын газраас тус аймгийн Бөмбөгөр сумын нутаг дэвсгэрт бичил уурхайгаар ашигт малтмал олборлогч нөхөрлөлүүдийн үйл ажиллагаанд урьдчилан сэргийлэх хяналт шалгалтыг хийж гүйцэтгэлээ.

Хяналт шалгалтад 17 нөхөрлөл нэг иргэн хамрагдсан бөгөөд шалгалтаар есөн нөхөрлөл Засгийн газрын 2017 оны 151 дүгээр тогтоолоор батлагдсан “Бичил уурхайгаар ашигт малтмал олборлох журам”-д заасан механизмаас илүү хүчин чадал бүхий механизм ашиглан үйл ажиллагаа явуулж байгаа зөрчил илэрсэн. Иймд илэрсэн зөрчлийг таслан зогсоож бичил уурхайгаар ашиглалт явуулсан талбайг нөхөн сэргээх, дотоод шаталтат хөдөлгүүр 3500 см3-ээс илүү хүчин чадал бүхий механизмийн ашиглалтыг зогсоож, талбай чөлөөлөх тухай акт өгч, Зөрчлийн тухай хуулийн дагуу шийтгэлийн арга хэмжээг ногдуулав.

Түүнчлэн сумын Засаг дарга, Байгаль орчны хяналтын улсын байцаагч нарт бичил уурхайгаар ашигт малтмал олборлох журам зөрчсөн нөхөрлөлүүдийн үйл ажиллагаанд хяналт тавьж нөхөн сэргээлтийг стандартын дагуу гүйцэтгүүлэн хүлээн авч ажиллах талаар албан бичиг хүргүүлэн ажиллалаа.

П.АНИР 
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2019-08-22 09:54:23
    Зөв. Маш зөв.
    66.181.182.24
    Мэдэгдсэн Хариулах