Орхоны хөндийг сүйтгэсэн алтны компаниудын лицензийг цуцаллаа

Архангай аймгийн Цэнхэр суманд олборлолт явуулж байгаа алтны компаниуд байгаль дэлхийг ус, ургамалтай нь сүйтгэсэн. Алтны компаниуд нөхөн сэргээлт хийдэггүй, замбараагүй үйл ажиллагаа явуулж байгаагаас Монголын хамгийн урт Орхон голыг тэжээдэг есөн голын тав нь ширгэж, Орхоны хөндий хүн мал амьдрах аргагүй болсныг “Зууны мэдээ” сонин газар дээрээс нь сурвалжилсан билээ. Бид “Өлтийн хөндийг өрөмдсөн алтны компаниуд Орхон голыг онилж байна” гурван удаагийн цуврал сурвалжлага бэлтгэн хүргэсэн.

Тэгвэл манай нийтлэлийн дараа Архангай аймгийн Мэргэжлийн хяналтын газрынхан уул уурхайн компаниудыг шалгаж, үйл ажиллагааг нь зогсоогоод байсан бол өчигдрийн Засгийн газрын хуралдаанаар Архангай аймгийн Цэнхэр суманд үйл ажиллагаа явуулж байгаа уул уурхайн 13 компанийн лицензийг цуцлах шийдвэр гаргалаа. Тэр дундаа байгаль орчны нөхөн сэргээлт хийдэггүй,хууль зөрчдөг “Монгол газар” компани болон тус компанийн захирал Ц.Мянганбаярын эзэмшиж байсан 13 тусгай зөвшөөрлийг цуцалсан юм. Тодруулбал, Орхоны хөндийг сэндийчиж, ой модыг хядаж, гол горхины голдрилыг өөрчилснөөс ширгэж алга болгоход хүргэсэн “ БМНС”, “Монгол газар”, “Голден хаммер”, “Алтай гоулд”, “Эм Жэй Эйч”, “Шиншие Монголиа”, “Улз” группийн лицензийг цуцаллаа. Эдгээр компанийн лицензийн талбайд хамаарч байсан Бодонтын амын 739 га, Гүүтийн амны 114 га, Харгуйтын амын 323 га, Шийртийн салааны 173 га, Өлзийт тээлийн 1652 га, Улаан чулуутын 144 га, Ястын голын 366 га, Ар чулуутын 141 га, Өлийн голын 1417 га, Гүүтийн амны адгийн 49 га газруудын тусгай зөвшөөрлийг цуцалсан байна.
 

Эх сурвалж: “Зууны мэдээ” сонин
С.Уянга
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ???? 2019-08-22 05:49:00
    Ганц лиценз арай гэж авсан жижиг компанийн эзнийг байгаль орчны нөхөн сэргээлт хийсэнгүй гэж цагдаа эрүүд татдаг. Гэтэл 1000баяр мэтийг яах ч үгүй юм??!!!
    66.181.161.41
    Мэдэгдсэн Хариулах
  • зочин 2019-08-22 04:14:14
    Монгол банкны зорилтод хэрхэн нөлөөлж байгааг бас давхар тооцож үзсэн үү. Валютын нөөц-Эдийн засгийн аюулгүй байдлын баталгаа гээд давхар давхар асуудал байгаа ...
    59.153.84.210
    Мэдэгдсэн Хариулах
  • ХУУЛЬЧ 2019-08-22 03:19:40
    ХАРОИУЦЛАГАГҮЙ УУЛ УУРХАЙГ ТАСЛАН ЗОГСООХ ЦАГ БОЛСОН ДОО ,,,,ХАРИН ҮҮНИЙГ МАШ САЙН ХУУЛЬ ЗҮЙН ҮНДЭСЛЭЛТЭЙ АЛБАЖУУЛАХ УЧИРТАЙ ,,ХОХИРЛЫГ ТЭДНЭЭР ТӨЛҮҮЛ,,,,,???
    192.82.64.190
    Мэдэгдсэн Хариулах
  • Болд 2019-08-22 02:10:50
    Төрт ёстой улс ийм л байдаг даа!!! BRAVO!!!
    103.111.68.3
    Мэдэгдсэн Хариулах