Зуслангийн хэрэглэгчдэд мэргэжил арга зүйн зөвлөгөө өгөх өдөрлөг явагдаж байна

УБЦТС ТӨХК-аас нийгмийн хариуцлагаа нэмэгдүүлэх, хэрэглэгчдийг цахилгаанаас үүдэлтэй болзошгүй эрсдэлээс урьдчилан сэргийлүүлэх зорилгоор хэрэглэгчийн гадна цахилгаан хангамжийн шугам, тоноглолд үзлэг хийж, мэргэжил арга зүйн зөвлөгөө өгөх өдөрлөгийг үе шаттайгаар зохион байгуулсаар байна.

Өнөөдөр Чингэлтэй дүүргийн 19, Сүхбаатар дүүргийн 19, 20-р хороонд оршин суудаг Зуслан хэрэглэгчдэд үйлчлэх төвтэй цахилгаанаар хангах гэрээтэй 4992 хэрэглэгчийн гадна цахилгаан хангамжийн шугам, тоноглол болон эдгээр хэрэглэгчдийг цахилгаанаар хангадаг 186 дэд станц, 663 тоолуурын нэгдсэн хайрцагны аюулгүй байдалд үзлэг хийж, мэргэжил арга зүйн зөвлөгөө өгч байна. Өдөрлөгөөр хэрэглэгчдэд цахилгааны оруулгын утас, тоолуурын нэгдсэн хайрцагны аюулгүй байдлыг хэрхэн хангах талаар мэргэжил арга зүйн зөвлөгөө өгөх, оруулгын утсаа солиулахаар материалаа бэлдсэн хэрэглэгчдийн утсыг газар дээр нь үнэ төлбөргүй сольж өгөх, гадна цахилгаан шугам, тоноглол нь шаардлага хангахгүй хэрэглэгчдийн зөрчлийг арилгуулах ажлууд хийгдэж байна.

С.Жангар

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.