Дүрвэгчдэд үзүүлдэг хүмүүнлэгийн тусламжийг хойшлуулах уу

Норвегийн дүрвэгчдийн зөвлөлөөс АНУ-ын Иранд ногдуулсан хориг нь жил бүр эх оронд нь болдог үерт нэрвэгдсэний улмаас Исламын бүгд найрамдах улсад хоргодож  байгаа олон мянган афган дүрвэгчдэд өгсөн хүнд цохилт болно гэж үзэж байгаагаа мэдэгдсэн байна. Мөн санхүүжилт дутагдаж байгаа учраас дүрвэгчдэд туслах ажиллагааг хамгийн багадаа хоёр долоо хоногоор хойшлуулахад хүрч болзошгүй аж. АНУ Исламын бүгд найрамдах улстай 2015  онд байгуулсан олон улсын цөмийн гэрээнээс гарснаар цуцлаад байсан хоригоо сэргээсэн юм. Ингэснээр бусад  орны банкийг Ирантай наймаа хийхийг хориглосон байна. Тиймээс Норвегийн дүрвэгчдийн зөвлөл санхүүжилтгүй болсны улмаас  ойрын хугацаанд шийдвэр гаргахгүй бол энэ сарын дундуур гэхэд дүрвэгчдэд үзүүлэх тусламжийн ажиллагаагаа хойшлуулахаас өөр аргагүй болох ажээ.Мөн хүмүүнлэгийн байгууллагууд улс төрийн энэ хоригт зэвүүцэж байгаа юм. Дүрвэгчдийн зөвлөлийн ерөнхий нарийн бичгийн дарга Жан Эгеланд бодит байдалд ядуучуудыг шийтгэж байгаад харамсч буйгаа илэрхийлжээ. Тэрээр “Иранд дүрвэгчдэд болон үерт хохирсон иргэдэд зориулан явуулж байгаа бидний ажлыг дэмжсэн барууны орны хандивыг шилжүүлж чадах банкийг жил хайж байна. Гэвч бид хаана ч гэсэн тоосгон хана мөргөж байна” гэж нэмж  хэлсэн байна.

Эх сурвалж: “Зууны мэдээ” сонин
Х.Оюунболд
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.