Нийслэлийн эргэн тойронд дахь амралтын газрууд өдрөөс өдөрт нэмэгдсээр байна. Харин тэдгээр амралтын газрууд амрагчдын хүсэл сонирхолд нийцэж байна уу?
Албан бус мэдээллээр Улаанбаатар хотыг тойрсон 200 орчим амралт, жуулчны бааз байна гэсэн мэдээлэл бий. Уулын ам бүрт хэдэн гэр барьж, амрагчдыг хүлээн авах болж. Амралтын газар, жуулчны баазын үйл ажиллагаа эрхлэх тусгай зөвшөөрлийг аймаг, дүүргийн аялал жуулчлалын газрууд өгдөг. Нэг үгээр амралтын газрын тусгай зөвшөөрөл гаргуулж авахад нэг их зардал чирэгдэл болохгүй. Мөн хоёроос гурвын жилийн хугацаатай тус газруудад адестчлал явуулдаг гэж байгаа. Ингэхдээ орчны ариун цэвэр, ажилчдын тоо зэрэгт анхаарч, алдаатай зүйл гарвал зөвлөн туслах маягаар ажилладаг бөгөөд үйлчилгээтэй холбоотой гомдолд торгууль ногдуулсан болоод өнгөрдөг. Иймээс амралтын газрууд өдрөөс өдөрт үнээ нэмэхээс үйлчилгээгээ сайжруулах тухай боддоггүй байх.
Түүнчлэн нийслэлийг тойрсон ихэнх амралтын газар, жуулчны баазууд тэнгэрт тулсан үнэтэй. Гэвч үйлчилгээний газрын стандартад нийцдэг юм болов уу гэх дүр зураг харагдана хүн бүрийг угтана.
Хамгийн эхэнд орох гарах хэсгүүдэд зориулалтын хогийн сав, гутлын алчуур байдаггүй. Байсан ч хуучирч элэгдсэн. Гадна талбайн ногоон байгууламжийг зүлэгжүүлээгүй, машины зогсоол, түүний тэмдэг, тэмдэглэгээ, гэрэлтүүлэг нь гэх мэтийн тухай яриад ч хэрэггүй. Ор нэр төдий. Хамгийн чухал зүйл болох бохир усыг зөөвөрлөх, хог хаягдлыг зайлуулах, бие засах газар нь шаардлага хангаагүй. Энд стандарт ярих ч шаардлагагүй. Амралтын газар, жуулчны баазуудын зарим эд хогшил, хуучирсан тавилга шаардлага хангаагүй эд хогшил, тавилгатай, эрүүл ахуйн шаардлагад нийцэхгүй.
Мэргэжлийн ба мэргэшсэн боловсон хүчин дутмагаас ч юм уу үйлчилгээний ажилтны биеэ авч явах байдал, харилцааны соёл, ёс зүй, хувцаслалт зэрэг нь хангалтгүй. Гэвч тэд тэнгэрт тулсан үнэ санал болгоно.
Ихэнх амралтын газрууд Монгол гэрт амрагчдаа хүлээн авдаг. Амралтын гэрт элэгдэж муудсан хэдэн ор, сандлаас өөр юм байхгүй ч ийм гэр багадаа 100 мянган төгрөгийн үнэтэй. Гэвч иймэрхүү тохь тухгүй амралтын газрууд борооны дараах мөөг шиг олширсоор байгааг анхаарах цаг болжээ. Иргэдийн чөлөөт цагийг зөв боловсон өнгөрөөх газрууд нэмэгдэж байгаа нь сайн талтай ч холбогдох мэргэжлийн байгууллагад амралтын газруудын стандарт тогтоох шаардлага тулгараад байгааг нийслэлийн Мэргэжлийн хяналт болон нийслэлийн Аялал жуулчлалын газар анхааралдаа авахад илүүдэхгүй биз.
П.АНИР
Оллоо.мн
Албан бус мэдээллээр Улаанбаатар хотыг тойрсон 200 орчим амралт, жуулчны бааз байна гэсэн мэдээлэл бий. Уулын ам бүрт хэдэн гэр барьж, амрагчдыг хүлээн авах болж. Амралтын газар, жуулчны баазын үйл ажиллагаа эрхлэх тусгай зөвшөөрлийг аймаг, дүүргийн аялал жуулчлалын газрууд өгдөг. Нэг үгээр амралтын газрын тусгай зөвшөөрөл гаргуулж авахад нэг их зардал чирэгдэл болохгүй. Мөн хоёроос гурвын жилийн хугацаатай тус газруудад адестчлал явуулдаг гэж байгаа. Ингэхдээ орчны ариун цэвэр, ажилчдын тоо зэрэгт анхаарч, алдаатай зүйл гарвал зөвлөн туслах маягаар ажилладаг бөгөөд үйлчилгээтэй холбоотой гомдолд торгууль ногдуулсан болоод өнгөрдөг. Иймээс амралтын газрууд өдрөөс өдөрт үнээ нэмэхээс үйлчилгээгээ сайжруулах тухай боддоггүй байх.
Түүнчлэн нийслэлийг тойрсон ихэнх амралтын газар, жуулчны баазууд тэнгэрт тулсан үнэтэй. Гэвч үйлчилгээний газрын стандартад нийцдэг юм болов уу гэх дүр зураг харагдана хүн бүрийг угтана.
Хамгийн эхэнд орох гарах хэсгүүдэд зориулалтын хогийн сав, гутлын алчуур байдаггүй. Байсан ч хуучирч элэгдсэн. Гадна талбайн ногоон байгууламжийг зүлэгжүүлээгүй, машины зогсоол, түүний тэмдэг, тэмдэглэгээ, гэрэлтүүлэг нь гэх мэтийн тухай яриад ч хэрэггүй. Ор нэр төдий. Хамгийн чухал зүйл болох бохир усыг зөөвөрлөх, хог хаягдлыг зайлуулах, бие засах газар нь шаардлага хангаагүй. Энд стандарт ярих ч шаардлагагүй. Амралтын газар, жуулчны баазуудын зарим эд хогшил, хуучирсан тавилга шаардлага хангаагүй эд хогшил, тавилгатай, эрүүл ахуйн шаардлагад нийцэхгүй.
Мэргэжлийн ба мэргэшсэн боловсон хүчин дутмагаас ч юм уу үйлчилгээний ажилтны биеэ авч явах байдал, харилцааны соёл, ёс зүй, хувцаслалт зэрэг нь хангалтгүй. Гэвч тэд тэнгэрт тулсан үнэ санал болгоно.
Ихэнх амралтын газрууд Монгол гэрт амрагчдаа хүлээн авдаг. Амралтын гэрт элэгдэж муудсан хэдэн ор, сандлаас өөр юм байхгүй ч ийм гэр багадаа 100 мянган төгрөгийн үнэтэй. Гэвч иймэрхүү тохь тухгүй амралтын газрууд борооны дараах мөөг шиг олширсоор байгааг анхаарах цаг болжээ. Иргэдийн чөлөөт цагийг зөв боловсон өнгөрөөх газрууд нэмэгдэж байгаа нь сайн талтай ч холбогдох мэргэжлийн байгууллагад амралтын газруудын стандарт тогтоох шаардлага тулгараад байгааг нийслэлийн Мэргэжлийн хяналт болон нийслэлийн Аялал жуулчлалын газар анхааралдаа авахад илүүдэхгүй биз.
П.АНИР
Оллоо.мн