Гурван жил тутам Засгийн газрын тогтоолоор зохион байгуулагддаг “Шигшмэл хурдан морьдын “Их Хурд-8” уралдаан энэ жил найм дахь удаагаа буюу энэ сарын 20, 21-ний өдрүүдэд Хүйн долоо худагт зохион байгуулагдаж байна. Наадам өнөөдөр хоёр дахь өдрөө үргэлжилнэ.
 
"Их Хурд-8" уралдааны үеэр үндэсний их өв соёлыг бүхэлд нь цогцоор нь түгээн дэлгэрүүлж, уламжлуулан хөгжүүлэх зорилготой “Монгол туургатны морьтны өв, соёлын наадам" мөн болно. 
 
Уралдааны хоёр дахь өдөр өнөөдөр дараах хөтөлбөрөөр нааадам үргэжилнэ
08:00-10:30 цагт Их насны морьдын уралдаан
 
10:30-12:30 цагт  “Айраг” фестиваль
 
12:30-14:00 цагт “Хуйрнан шуугигч” хүүхдийн барилдаан
 
13:00-15:00 цагт Жороо морины уралдаан
 
13:00-16:00 цагт “Адуучин тэмцээн”
 
17:00-18:00 цагт Түрүүлж, айрагдсан морьдыг цоллох, ММСУХ-ны Алтан азарга, Мөнгөн гүү, Молор унага, Эрдэнийн очир зэрэг шагнал гардуулах ёслолын ажиллагаа 18:00-18:20 цагт хаалт болох юм.
 
П.АНИР
Оллоо.мн