Алтны үнэ хамгийн өндөр цэгт хүрэв

Өнгөрсөн баасан гаригт алтны үнэ нэг унци нь 1400 ам.долларт хүрч, сүүлийн зургаан жилийн хамгийн өндөр цэгт хүрлээ. Энэ нь ам.долларын ханшийн уналт, бондын өгөөжийн бууралт, геополитикийн тодорхойгүй байдал, худалдааны элдэв хоригтой холбоотой хэмээн “Mining.com” мэдээлэв.

Нэг унци алтны наймдугаар сард биетээр хүргэгдэх үнэ Нью-Йоркт хамгийн өндөр буюу 1415 ам.долларт хүрсэн юм. Энэ нь өнгөрсөн долоо хоногийн ханшаас бараг 50 ам.доллараар өссөн үзүүлэлт боллоо. 2013 оны есдүгээр сард анх удаа энэхүү шар металлын ханш ийн өсч байсан удаатай билээ. АНУ-ын Мэрилэнд мужид төвтэй “Adrian Day Asset Management”-ийн ерөнхийлөгч Адриан Дэй “Bloomberg”-т өгсөн ярилцлагадаа “Дараагийн 12 сарын хугацаанд энэ металлын үнэ 1500-1600 ам.долларт хүрэх магадлалтай” гэжээ.

“Рио тинто”-гийн тээвэрлэлт буурах төлөв Хятадын төмрийн олборлолтыг нэмэв

“Рио Тинто” групп Бразиль дахь Брукуту төмрийн хүдрийн уурхайгаа дахин шинэчлэхээр төлөвлөж байгаа мэдээлэл гарсны дараа өнгөрсөн пүрэв гаригт Хятадад төмрийн хүдрийн олборлолт эрс өсчээ.

Цаашид хэсэг хугацаанд “Рио Тинто”-гийн Австралийн Пилбара руу хийх төмрийн хүдрийн тээвэрлэлт багасах урьдчилсан төлөв гараад байгаа юм. Дэлхийн төмрийн хүдрийн №1 олборлогч Бразилийн Вэйлээс энэ мэдээлэл гараад хэдхэн цаг болж байхад урд хөршид ийнхүү олборлолт өсөх таамаг ажиглагдсан байна.

Есдүгээр сард биетээр хүргэгдэх төмрийн хүдрийн үнэ нэг тонн нь Хятадын Liaoning муж дахь Далиан барааны биржид 3.9 хувиар өсч, 831 юань буюу 121.01 ам.доллар болжээ. Арилжаа дуусахаас өмнө ханш 837 юань болтлоо өссөн байна. Энэ бол Хятадын биржүүд дэх 2013 оноос хойшх хамгийн өндөр үнэ гэж үзэж болохоор байгаа юм. (нэг ам.доллар 6.8673 юаньтай тэнцэж байна)
 

Эх сурвалж: “Зууны мэдээ” сонин
Ж.Цогзолмаа
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  •  2019-06-25 00:36:31
    ОЮУ-ТОЛГОЙГООС олж буй алтаа хэдэн доллараар үнэлэн зарж байна.
    202.131.227.178
    Мэдэгдсэн Хариулах