Ц.Нямдорж: Эрүүдэн шүүж, хууль тогтоомж зөрчсөн хүмүүс хариуцлага хүлээнэ
Олон улсын парламентын холбооны Парламентчдын хүний эрхийн хорооны дарга Александра Жерков тэргүүтэй төлөөлөгчид парламентын гишүүн асан, төр, нийгмийн нэрт зүтгэлтэн С.Зоригийн амь насыг бүрэлгэсэн хэргийн илрүүлэлттэй холбоотой асуудлаар манай улсад ажиллаж байгаа билээ.

Өчигдөр Монгол Улсын Их Хурлын гишүүн, Засгийн газрын гишүүн, Хууль зүй, дотоод хэргийн сайд Ц.Нямдорж төлөөлөгчдийг хүлээн авч уулзаж, хэргийн нөхцөл байдлын талаар ярилцсан байна.

ХЗДХ-ийн сайд Ц.Нямдорж төлөөлөгчидтэй уулзах үеэрээ "Энэ хэрэгтэй холбоотойгоор Олон улсын парламентын холбооноос ирүүлсэн дүгнэлттэй адил байр суурьтай байдаг. Энэ дүгнэлт манайд эрүүдэн шүүлт байгааг ил болгоход чухал нөлөө үзүүлсэн. 2017 оноос хойш хууль тогтоомж зөрчсөн, эрүүдэн шүүсэн асуудлыг шалгаж байна. Ял эдэлж байгаа хүмүүсийг эрүүдэн шүүж хилсээр хэрэг хүлээлгэж, Гүйцэтгэх ажлын тухай хууль тогтоомжийг ноцтой зөрчсөн. Өчигдөр энэ хэргийг цагдаагийн байгууллагаас прокурорт шилжүүлсэн. Удахгүй шүүхэд шилжүүлж, тодорхой шийдвэр гаргана байх. Шүүхээс ямар шийдвэр гарахыг хэлж мэдэхгүй ч эрүүдэн шүүсэн, хууль зөрчсөн албан тушаалтнууд хуулийн дагуу хариуцлага хүлээнэ. Энэ хэргийг судлаад үзэхэд “Сталины дэглэм”-ийг сэргээх оролдлого байна гэсэн хардлага төрж байгаа. Ямар ч тохиолдолд ийм зүйлийг хийж болохгүй. Хэргийн илрүүлэлтэд хууль, хяналтын бүх байгууллага оролцсон учраас эрүүдэн шүүсэн талаар олон нийтэд ил болгоход амаргүй байсан. Хэргийн материалтай бүрэн танилцсан хүний хувьд С.Зориг агсныг Б.Содномдаржаа, Т.Чимгээ, Ц.Амгаланбаатар  нар хөнөөсөн гэж үздэггүй” гэв.
Олон улсын парламентын холбооны Парламентчдын хүний эрхийн хорооны дарга Александра Жерков “Монголын парламентаас онцгой анхаарч, ОУПХ-ны зөвлөмжийн дагуу Түр хороо байгуулан бүхий л шатандаа идэвхтэй хамтран ажиллаж байгаад баяртай байна. Энэ бүх хамтын ажиллагаа асуудлыг цогцоор нь харж, бодит дүгнэлт гаргахад чухал ач холбогдолтой. Ял эдэлж буй хүмүүстэй эмнэлэгт очиж, биечлэн уулзсан” гээд эрүүдэн шүүж хэрэг хүлээлгэсэн нь илэрхий байхад хоригдсон хэвээр байгаа. Мөн шүүхийн  шийдвэрүүдийг нууцаас бүрэн гаргасан эсэхийг асууж, тодруулжээ. 

УИХ-ын гишүүн, Засгийн газрын гишүүн, Хууль зүй, дотоод хэргийн сайд Ц.Нямдорж “Эрүүдэн шүүсэн гэх хэргийг бүрэн шийдвэрлэсний дараагаар эдгээр гурван хүний асуудлыг тавина гэж хуулийн байгууллагынхан хэлдэг. Уг нь шүүхэд суллах эрх мэдэл нь байгаа ч хэрэгжүүлэхгүй байна. Хуулийн дагуу Засгийн газраас хэрэг шийдвэрлэсэн гурван шатны шүүхийн шийдвэрийг нууцаас гаргасан. Хэргийн захиалагчийг илрүүлэхийн тулд нууцлах шаардлагатай гэж хууль, хяналтын байгууллагууд үздэг. Миний хувьд нууцлах зүйл байхгүй гэдэг байр суурьтай байгаа. Энэ асуудлыг УИХ-ын Түр хороо, Засгийн газрын түвшинд дахин ярина” хэмээн хариулт өгсөн байна.

Үргэлжлүүлэн тэрбээр, “Манай улс эрүүдэн шүүлтийн эсрэг байж, олон улсын конвенцоор хүлээсэн үүргээ биелүүлэхийн төлөө ажиллаж байгааг газар дээр нь ирж харсан байх. Та бүхэн дүгнэлтээ гаргахдаа Монгол Улсад эрүүдэн шүүлт хавтгайраагүй гэдгийг харгалзан үзэхийг хүсье. Хуулийн байгууллагуудыг улс төрийн зорилгоор ашигласны нэг үзэгдэл нь энэ онцгой нэг тохиолдол юм. Нөгөө талаас уг хэргийг нийтэд ил болгосноор дахин ийм хэрэг гарахгүй байх нөхцөл болсон байх гэж хардаг” гэжээ.

Олон улсын парламентын холбооноос парламентын гишүүн асан, төр, нийгмийн нэрт зүтгэлтэн С.Зоригийн амь насыг бүрэлгэсэн хэргийг үнэн зөв, шударгаар илрүүлэхийн төлөө ажиллаж байна. Монгол Улсад ардчилал, хүний эрх, хууль дээдлэх ёс улам батжин бэхжихэд хамтын ажиллагаа үр дүнгээ өгнө гэдэгт итгэлтэй байгаагаа ОУПХ-ны Парламентчдын хүний эрхийн хорооны төлөөлөгчид илэрхийлсэн байна. 

П.АНИР
Оллоо.мн
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • DR. UROLOGIST 2019-06-25 17:42:02
    Хэрэв та одоо бидэнтэй холбоо барина уу? DR.PRADHAN.UROLOGIST.LT.COL@GMAIL.COM AMOUNT: $ 780,000.00
  • Zochin 2019-06-09 09:47:41
    Omnoh hohirogchdiin (70jiliin turshid)eruuduulj,helmerdsen humuusiig yaj tsairuulah ym????
  • иргэн 2019-06-09 08:17:29
    Гол нь энэ тушаалыг өгсөн хүмүүст арга хэмжээ авах хэрэгтээшдээ. Тэрнээс биш тэр ШШБЕГ-н хүн зүгээр л гэнэт ороод хүн дарамтлахуу. Тэр тушаалаар явсан байгаа
  • Зочин 2019-06-08 13:53:28
    Хөөе с да чи очоод 3 жил биш 30хоног энгээд эрүүдэн шүүлгээд үз дээ чам шиг амьсгаа 3 цагийн ч эрүү даахгүй л дээ бүлтрүүш минь
  • Хариу 2019-06-08 12:09:16
    Бичлэгт гарсан юмыг эрүүдэн шүүсэн гээд байгаа бол ийм төрлийн эрүүдэн шүүлт өдөр тутмын үзэгдэл дээ. Хорих төвийн хүмүүс бүгд мэдэж байгаа. Гайхах хэрэггүй
  • Baatar 2019-06-08 03:50:25
    Untaj baigaad bosood. Irsen xun shig l yum yariad baixiin ene xun.