Иргэн та халаасны хулгайд эд зүйлээ алдсан бол хамгийн түрүүн хэнд ханддаг вэ? Мэдээж цагдаа. Гэтэл цагдаа асуудлыг шийдвэрлэдэг үү? Нийслэлийн цагдаагийн газрын Халаасны хулгайн гэмт хэрэгтэй тэмцэх хэлтэс гэж бий. Тусгайлан хэлтэс байгуулан ажиллаж байгаа ч тэдэнд өнөөдөр хар дэвтрээс өөр зэвсэг алга. Халаасны хулгайд эд зүйлээ алдаад цагдаад хандахад далбагар хар дэвтэр дээр нэр, утасны дугаар алдагдсан зүйлийг хэлбэр хэмжээ, өнгө зүсийг жирийтэл бичиж авна. Ингээд л болоо. Тэдний асуудлыг шийдэж байгаа арга нь ердөө энэ. Тэд халаасны хулгайтай ингэж л тэмцдэг. Иргэдийн ихэнх нь үүнийг мэддэг болсон учраас  халаасны хулгайд өртсөн ч цагдаад хандаж, цаг алдах сонирхолгүй байна. Учир нь тэд асуудлыг шийдэх нь ховор. Хар дэвтрээс өөр зэвсэггүй тэднээс үр дүн хүлээх нь бухын доодохыг харж, үнэг турж үхэхийн үлгэр...

 

Алдарт Эрүүгийн хууль, Эрүүгийн байцаан шийтгэх хууль өнгөрсөн 2017 оны долдугаар сарын 1-ээс хэрэгжиж эхэлсэн. Энэ хуулийн дагуу бүх хэргийг бүртгэх, 300,000-аас доош төгрөгнөөс доош төгрөгний хохиролтой бол Зөрчлийн хэрэг нээдэг. Харин 300,000 төгрөгнөөс дээш хохиролтой бол хэрэгт бүртгэлтийн хэрэг нээгээд шалгадаг гэж байгаа. Хуулийн дагуу Цагдаа нар бүртгэл л нээдэг. Тодруулбал, алдарт хар дэвтрээ гарган жирийтэл тэмдэглэж авна. Гэвч тэд хэдэн хүний гомдолд хариу өгдөг эсэх нь тодорхой бус. Шинэ хууль хэрэгжиж эхлэхээс өмнө тэд ингэж л ажилладаг байсан. Одоо ч хэвээрээ хар дэвтрээс өөр зэвсэггүй цагдаа нар халаасны хулгайчтай тэмцэнэ гэдэг юу л бол...

П.АНИР
Оллоо.мн