Орчин үеийн кино үйлдвэрийн цогцолбортой болно
Өчигдөр ”Майдар” эко хотын дэргэд “Монголын үндэсний кино үйлдвэр”-ийн шав тавих ёслол боллоо.

Ёслолд Монгол Улсын Ерөнхийлөгч Х.Баттулга,Нийслэлийн засаг дарга бөгөөд Улаанбаатар хотын захирагч С.Амарсайхан, Монгол Улсад урилгаар ирээд байгаа Холливудын нэр хүндтэй мэргэжилтнүүд, Монголын кино урлагийн алдартнууд, олон нийтийн төлөөлөгчид оролцлоо.  



Майдар хотод 50 га талбайг хамарсан 9 студи, үйлдвэрлэлийн цех, задгай зураг авалтын талбай, агуулах, оффиссоос бүрдсэн, орчин үеийн стандартад нийцсэн Монголын анхны кино үйлдвэрлэлийн цогцолбор байгуулах гэж байна.
“Монголын үндэсний кино үйлдвэр” уг цогцолбор нь олон улсын стандартад нийцсэн, орчин үеийн тоног төхөөрөмжөөр тоноглогдсон бөгөөд гадаад дотоодын кино урлагийн мэргэжилтнүүдийн уулзаж, хамтран ажилладаг гол төв болно гэж үзэж байна.

Уг цогцолборт дуу оруулалттай, дуу оруулалтгүй кино зураг авч, зураг авалтын дараах бүх төрлийн боловсруулалтын ажлуудыг орчин үеийн тоног төхөөрөмж, технологиор гүйцэтгэнэ. Мөн гадна зураг авалтын талбай болон дотор студид талбайд ашиглах бүх төрлийн хэрэгслийг үйлдвэрлэх цех, кино зурагт хэрэглэх бүх төрлийн эд зүйлсийг стандартын шаардлагад нийцсэн орчинд хадгалах агуулахтай байх юм.

Кино студи нь дөрвөн улирлын байгалийн онцлог төрхийг харуулсан зураг авах, хотын болон байгалийн, уламжлалт соёл ахуйг харуулсан гэх мэт бүх төрлийн зураг авалт хийх боломжтой, байгалийн өвөрмөц төрх бүхий олон сонирхолтой газруудтай, жилийн 300 орчим өдөр нартай байдаг тул байгалийн энэ давуу талыг зураг авалтуудад ашиглах боломжтой, мэдлэг, боловсролтой ажиллах хүчнээр хангагдах боломжтой зэрэг давуу талтайг төслийг санаачлагчид онцолж байна.

Тус төсөл нь Монголын кино урлагийн салбарыг хөгжүүлэхэд хувь нэмрээ оруулах, олон улсын стандартад хүрсэн боловсруулалтуудыг хийдэг болох, Монголын уламжлалт болон орчин үеийн дүр төрх бүхий кино зураг авах нөхцлийг бүрдүүлэх, кино бүтээхээс гадна жуулчдын сонирхлыг татах онцлог газар бий болгох зорилготой ажээ.



Кино студийг байгуулснаар Монгол улсад орчин үеийн тоног төхөөрөмж, технологи дээр ажиллаж чаддаг туршлагатай ажиллагсад бий болж, Монголын кино урлагийн бүтээлүүд экспортын шинэ бүтээгдэхүүн болохын дээр Монгол улсын уламжлалт соёл иргэншил, байгаль орчин, хөгжлийн талаар дэлхий нийтэд танилцуулах боломж нээгдэх зэрэг олон талын ач холбогдолтой ажээ.









О.Гэрэл
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Ард түмний нэг  2019-05-08 07:42:02
    Энэ эзгүй газар юу хийх юм бол? Женкогийн Майдар хот хэзээ босож, хүн амьтан бужигнасан хот болох юм бол?
    64.119.24.129
    Мэдэгдсэн Хариулах
  • Зочин 2019-05-08 06:14:35
    Ямар үйлдвэр барисан нь дээр дээ маднуудаа
    202.9.44.200
    Мэдэгдсэн Хариулах
  • Зочин 2019-05-08 03:08:05
    Женко Майдар төсөл. Өөр юу ч бололхгүй. Монголд хөрөнгө оруулалт шаардсан мөн ч их ажил байна даа. Даан ч дээ Хүн ард нь хавдраар үхээд л. Женко кино үзнэ гээд ...
    66.181.161.60
    Мэдэгдсэн Хариулах
  •  2019-05-08 02:08:43
    дэмий юм хийж байхаар цэцэрлэг сургууль барь. наад хоосон амбаарт чинь сүүлдээ дуучдын тоглолт болдог ханхай хөндий шавар л болно
    202.131.227.178
    Мэдэгдсэн Хариулах
  • зочин 2019-05-08 01:49:02
    Гадаадын кино продусерүүд л ирж кино зураг авахгүй бол энэ байгууламж эдийн засаг-санхүүгийн хувьд бас л нэг үхмэл хөрөнгө болох эрсдэл маш өндөр
    203.91.112.130
    Мэдэгдсэн Хариулах