Узбек улсын нийслэл Ташкент хотноо чөлөөт бөхийн ДАШТ-ий эмэгтэйчүүдийн барилдаан хоёр дахь өдрөө үргэлжилж байна. Өчигдөр манай бөх С.Цэрэнчимэд 60 кг-ын жинд алтан медаль хүртсэн билээ. Түүний энэхүү амжилтыг үргэлжлүүлэхээр манай гурван бөх өнөөдөр дэвжээнд гарах хуваарьтай байсан. Тэгвэл тэдний хоёр нь эхний барилдаанаа хийж, ялалт аваад байна. Тодруулбал 58 кг-ын жинд ДАШТ-ний хошой хүрэл медальт, МУГТ Т.Мөнхтуяа эхний тойрогт Бразилийн бөх Жуис Суазаг 6:4 харьцаагаар яллаа. Үүнээс өмнө 53 кг-ын жинд ОУХМ Э.Сумьяа 1-р тойрогт Энэтхэг бөх Нурмала Дэвиг 1:48 секундэд цэвэр дарсан юм.
Б.Сансартуяа
Оллоо.мн
Оллоо.мн