200 хүүхдэд иж бүрэн хичээлийн хэрэгсэл бэлэглэжээ

“Нэгүн” студи, хөгжмийн зохиолч Окигийн продюсерлэж буй “Асур” хамтлаг нь хүүхэд залуусын дунд “Another” дуугаараа анх танигдсан билээ. Харин тэд өнгөрсөн амралтын өдрөөр анхны тайз, эхний үзэгчидтэйгээ халуун дотноор уулзсан байна. Тэд энэ үеэрээ сайн дурын хүмүүнлэгийн үйл ажиллагаа зохион байгуулсан юм. Тодруулбал, есдүгээр сарын 6, 7-ны өдрүүдэд “Монгени” цогцолборт зохиогдсон “Зөв зүг” хэмээх хүмүүнлэгийн үйл ажиллагааг “Сайн ээж, жаргалтай үрс” уриан дор явуулсан бөгөөд Сонгино-Хайрхан дүүргийн I-дүгээр хорооны эмзэг бүлгийн 200 хүүхэд, өрх толгойлсон 200 эхэд туслажээ. 
Ингэхдээ Өдөрлөгт хүрэлцэн ирсэн бяцхан хүүхдүүд, ээжүүддээ зориулан хүний хөгжлийн сургалт зохион явуулснаас гадна “Асур” хамтлагийнхан уран бүтээлээ толилуулж, 200 хүүхдэд иж бүрэн хичээлийн хэрэгсэл, 200 эхчүүдэд арьс арчилгаа, гоо сайхны бүтээгдэхүүнийг бэлэглэж, баярлуулсан байна.

Дашрамд дуулгахад уг арга хэмжээнд “Нэгүн” студи болон мисс Ө.Буянхишигийн “Ariana impression trainer” төвийнхөн урилгаар оролцжээ.

“Нэгүн” студийн хувьд, туурвих уран бүтээлүүдээрээ дамжуулан нийгэмд зөв хандлага, эерэг үзэл санаа, гэрэл гэгээтэй сайн сайхан бүхнийг түгээн хүргэхийг зорьдог бөгөөд ийнхүү цагаа олсон хүртээмжтэй, бүтээлч ажлыг анх удаа зохион байгуулсан нь сайшаалтай. Нөгөөтэйгүүр студийнхээ дэргэдэх “Асур” хамтлагийнхаа анхны тайзыг ашгийн бус төдийгүй эхний үзэгчид нь хүүхэд, эхчүүд байлгахыг зорьсон нь энэ. Ийнхүү  “Асур” хамтлаг нь чанартай сайн уран бүтээл туурвихаас гадна нийгэмдээ бодитой хувь нэмэр, үе тэнгийнхэндээ сайн нөлөөг үлгэрлэн бусдыг хүмүүнлэгийн үйлст уриаллаа.



Г.Уянга
оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.