Цагдаа, дотоодын цэргийн алба хаагчдад төрийн дээд одон медаль гардууллаа
“Монгол цэргийн өдөр”-ийг тохиолдуулан эрхэлсэн ажилдаа идэвх, зүтгэл үр бүтээл гарган ажилассан цагдаа, дотоодын цэргийн алба хаагчдад төрийн одон медаль болон цол гардуулах ёслолын ажиллагаа өнөөдөр Цагдаагийн ерөнхий газрын “Хүндэтгэлийн танхим”-д зохион байгуулагдав.

“Цэргийн гавъяаны одон”-гоор Налайх дүүрэг дэх цагдаагийн хэлтсийн дарга, цагдаагийн хурандаа Насанжаргалын Сумъяа, Нийтийн хэв журам хамгаалах, олон нийтийн аюулгүй байдлыг ханган албаны ахмад ажилтан, цагдаагийн дэд хурандаа Улаанбаатарын Жамбацэрэн, “Хурандаа” цолоор Дотоодын цэргийн Багануур дүүрэг дэх тусгай салааны захирагч Доржюндэнгийн Загдрагчаа, “Цэргийн хүндэт медаль”-иар 23 алба хаагч тус тус шагнагдав.

Ёслолын ажиллагаанд Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав, Тэргүүн дэд дарга, цагдаагийн хурандаа Р.Отгонжаргал, Дэд дарга, цагдаагийн хурандаа З.Дашдаваа болон Цагдаагийн ерөнхий газрын даргын зөвлөлийн гишүүд оролцлоо.

Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав цол гардан авсан болон шагнагдсан алба хаагчдад хандан “Монгол цэргийн өдөр”, Зэвсэгт хүчин үүссэний 98 жилийн ойн мэндийг хүргэж иргэд олон нийтийнхээ амар амгалан, тайван амьдралын төлөө мэдлэг ухаан, мэргэжлийн ур чадвар гарган ажиллана гэдэгт итгэлтэй байна. Та бүхэнд Цагдаагийн ерөнхий газрын даргын зөвлөлийн гишүүд, цагдаа, дотоодын цэргийн байгууллагын алба хаагчдын нэрийн өмнөөс болон хувиасаа хамгийн сайн сайхан, ажилд нь амжилт, гэр бүлд нь эрүүл энхийг хүсье. Цагдаа, дотоодын цэргийн байгууллагын алба хаагчдын өлмий бат, мэлмий тунгалаг байх болтугай хэмээв.




О.Гэрэл
Оллоо.mn 
 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • шагнуулах ээлжээ хүлээж суугаа 2019-03-19 10:28:22
    яасан гэж шагнана бэ. ХУД-н 2-р хэлтэсийн цагдаа автилгад идэгдсэн. МХГ-н хөдөлмөр, цалингийн байцаагч авилгалд идэгдсэн олон хүн харсан тэгээд тэд шагнал авах
  • ? 2019-03-18 09:59:46
    Одон медальд дуртай хүмүүс байгаа цагт шагнал тараах ёслол арилахгүй л дээ!!
  • Цэрэг 2019-03-18 09:19:14
    Цэргийн хүндэт медал яасан ч олныг өгдийн . Ёстой үнэгүйдүүлж байна даа