Д.Сумъяабазар сайд тусгай зөвшөөрлийг нь цуцалсан байсан бол жолооч нар амиа алдахгүй байх байлаа
Говь-Алтай аймгийн Цээл сумын нутагт байрлах “Алтайн хүдэр” компанийн охин компани болох “Эко алтан Заамар” уул уурхай, алтны компанийн талбайд өчигдөр орой ноцтой осол гарав.

Карьерийн хана нурснаас болж, 80 м гүнд дөрвөн жолооч машин техниктэйгээ унаж нурангид дарагдав. Одоогоор тэднийг эрэн хайх ажиллагаа үргэлжилж байгаа ч амьд байх боломжгүй гэдгийг онцгой байдлын албаныхан хэлсэн юм.
Харин азаар хоёр хүний амь насыг шуурхай аварч, эмнэлгийн тусламж үзүүлсэн байгаа юм.

Дээрх охин компани нь хууль бусаар үйл ажиллагаа явуулж, алт олборлодог юм. Уул уурхайн ажил эхлэх болоогүй байхад ийнхүү хууль дүрэм зөрчиж дур мэдэн ажиллуулж байгаад хүний амь нас хохироов. Хуулинд захирагддаггүй, том эрх дархтай компанийн удирдлагуудад авах арга хэмжээ гэж байхгүй бололтой.

Төв аймгийн Заамар сумынн иргэд нутгаа, газраа ухуулж сэндийчүүлэхгүй тэмцээд ч дийлэхгүй байгаа юм.

Вант улсын дарангуйлал болсон "Эко алтан Заамар" ХХК-ийн ашиглалтын тусгай зөвшөөрлийг уг нь цуцлуулах шийдвэрийг БОАЖ-ын сайд Н.Цэрэнбат гаргачихаад байхад УУХҮ-ийн сайд Д.Сумъяабазар шийдэхгүй байсаар гацаажээ. Хэрвээ энэ асуудлыг цаг алдалгүй шийдсэн бол өнөөдөр дөрвөн жолооч амиа алдаж, хоёр ажилтан эрүүл мэндээрээ хохирохгүй байх байлаа. Яагаад хууль дүрмээ ягштал баримталдаггүй юм бэ. Ажил хариуцсан салбарын сайд нь ийм хариуцлагагүй хайнга байж болохгүй биз дээ.

Хэдий дээрх ноцтой ослыг газар хөдлөлттэй холбож тайлбарлаад байгаа. Яагаад гэвэл алт гэдэг газрын гагнаас байдаг. Газар ухах тусам хөрс нь сулардаг талаар ярьж байгаа юм.

Харин онцгой байдлынхан бол газар хөдлөлттэй холбож тайлбарлахгүй байгаа юм. Хэдийгээр ажилчид өөрсдийнхөө аюулгүй байдлыг хангаж ажиллаагүй гэж буруутгах ч нөгөө талаар компани 100 хувь буруутай. Яагаад гэвэл үйл ажиллагаа эхлэх болоогүй байхад нууцаар карьераа ажиллуулж эхэлсэн.

Ер нь энэ компани дээр өмнө ч удаа дараа иймэрхүү ноцтой осол гарч, эрдэнэт хүний амь нас үрэгдэж байсан юм. Тэр бүрт хэргийг нуун дарагдуулдаг. Амиа алдсан болон эрүүл мэндээрээ хохирсон ажилчдынхаа ар гэрийг мөнгөөр амыг нь тагладаг гэдэг.

Өчигдрийн ноцтой осол гарахад компанийнхан нуух гэж оролдсон байгаа юм. Эсэн мэнд аварсан хоёр хүнээ хар машинаа зөөж, сумын эмнэлэг бараадуулжээ. Ар гэрийнхэнд нь мэдэгдээгүй байгаа юм. Түүгээр ч барахгүй гадагшаа янз бүрийн мэдээлэл цацахгүй байхыг үүрэгдэж, уурхайн ажилчдын гар утсыг хураан авсан гэх мэдээлэл ч байгаа юм. Ингэж хууль бусаар, хуудуутай ажил явуулж байгаа хуулинд захирагддаггүй, Баян Ч.Базарын компани балаг тарьж эхлэв. Энэ үйлдэлд салбарын сайд ч буруутай болж таарч байгаа.

Тиймээс хуулинд захирагддаггүй, мөнгөтэй, эрх дархтай компанид эрүүгийн хариуцлага хүлээлгэ. Тусгай зөвшөөрлийг нь бүр мөсөн цуцлаж, дахин ажиллахгүй болтол нь арга хэмжээ аваачээ.

О.Гэрэл
Оллоо.mn 
Бусдад түгээх
  • gplus
Got error 12 from storage engine