Москва хотын төрийн үйлчилгээний үйл ажиллагаатай танилцаж, туршлага солилцлоо

Улаанбаатар Москва хотуудын хамтын ажиллагааны хөтөлбөрийн хүрээнд нийслэлийн Засаг даргын Тамгын Газрын Төрийн захиргааны удирдлагын хэлтсийн дарга Ү.Ганболдоор ахлуулсан төлөөлөгчид 2019 оны 01 дүгээр сарын 30-ны өдрөөс 02 дугаар сарын 04-ний өдрүүдэд Москва хотод томилолтоор ажиллалаа.

Томилолтоор Москва хотын Засгийн газрын Удирдлагын Их сургууль, Мэдээллийн технологийн газар, “Ухаалаг хот” Мэдээллийн технологийн төв болон “Миний бичиг баримт” Нэг цэгийн үйлчилгээний төвийн /МФЦ/ үйл ажиллагаатай танилцаж, холбогдох албаны хүмүүс, шинжээчидтэй туршлага солилцох ажил хэргийн уулзалт, хэлэлцүүлэг зохион байгууллаа.     

Төлөөлөгчид Москва хотын Засгийн газрын Удирдлагын Их сургуулийн үйл ажиллагаатай танилцах үеэр төрийн албан хаагчдыг сонгон шалгаруулах шинэлэг, нээлттэй зарчмуудын талаар, төрийн албан хаагчдын ур чадвар, ажлын үр дүнг дээшлүүлэх сургалтын хөтөлбөр, танхимын болон зайн сургалтын хэлбэрийг хослуулах байдлаар хэрэгжүүлж буй давтан сургалтын сүүлийн үеийн арга хэлбэр, төрийн албан хаагчдын үйл ажиллагаа, ажлын үр дүнг бодитой, цогц байдлаар үнэлэх үр дүнтэй аргачлалуудын талаар туршлага судалж, санал солилцлоо. Томилолтын хүрээнд төлөөлөгчид Цахим төрийн үйлчилгээний төв болон Нэг цэгийн үйлчилгээний /МФЦ/ төвийн үйл ажиллагаатай газар дээр нь танилцаж, төрийн үйлчилгээнд мэдээллийн технологийн дэвшлийг хэрхэн нэвтрүүлж, үйлчилгээг цахимжуулахад ашиглаж буй сүүлийн үеийн технологи, хэрэгжүүлж буй бодлогын талаар, түүнчлэн иргэдэд төрийн үйлчилгээг нэг дороос сэтгэл ханамжийн өндөр түвшинд шуурхай, чанартай үзүүлэх, үйлчилгээний тав тухтай орчныг үйлчлүүлэгчийн хэрэгцээ, шаардлагад нийцүүлэн бүрдүүлэх, үйлчилгээний албан хаагчдыг хэрхэн мэргэжлийн болон харилцааны өндөр ур чадвартай бэлтгэн, дадлагажуулж байгаа зэргийг судлан, хоёр хотын ижил чиглэлийн мэргэжлийн байгууллагуудын үйл ажиллагааг жишиж, туршлага хуримтлууллаа.       

Томилолтын үеэр Нийслэлийн Засаг даргын Тамгын газар Москва хотын Засгийн газрын Удирдлагын их сургуультай төрийн албан хаагчдыг сургах, мэргэжилтэн солилцож туршлага судлах, сургалтын хөтөлбөрийг боловсронгуй болгох чиглэлээр хамтран ажиллах санамж бичиг байгууллаа.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2019-02-22 08:27:37
    Яасан ч ядруухан костюмтай явсын. Ичмээр юм оросуудын хажууд
  • чимэг-очир 2019-02-22 05:15:18
    соц нийгмийн үеэ бол өөрсдөө сэтгэж хий.
  • MGL 2019-02-22 02:14:16
    зүгээр л хот төлөвлөлтөө л сайн хий. Газраа наймаалаад байлгүй