С.Эрдэнийн алдааг МАН-ынхан давтах уу

Чоно, туулай хоёрын онигоо байдгийг уншигч та мэдэх биз. Туулай нэг удаа малгай өмсчихсөн явж байсан чинь чоно тааралдаад “Чи муу туулай наашаа хүрээд ир, яах гэж малгай өмсөөд явж байгаа юм” гээд зодчихдаг. Маргааш нь чоныг харангуутаа туулай өмсөж явсан малгайгаа авчихсан чинь чоно “Чи муу яахаараа малгайгүй явж байдаг юм бэ” гээд бас зодчихсон. Яг ийм үзэгдэл улс төрд хүчээ авч байна. Намын удирдлагад таалагдахгүй бүхнийг балбасаар хөөж явуулах үйл явц. 

Өнгөрсөн хугацаанд парламентын гишүүд хоёр хуваагдаж, УИХ-ын дарга, Засгийн газрын тэргүүнээ огцруулах гэж үзэлцээд УИХ-ын үйл ажиллагаа таг зогссон. Эцэст нь Засгаа авч үлдэн, УИХ-ын даргаа үдэж мордуулав. Энэ “тулаан”-д сөрөг хүчин ч багагүй хохирол амссан. Өнгөрсөн сонгуулиар ард түмнээс хатуухан үнэлгээ авч УИХ-д дөнгөж бүлэг байгуулах хэмжээний суудлыг авсан АН эрх баригч хүчнийн зодооны улмаас бүлэггүй боллоо. С.Эрдэнэ “Манай нам лидерийн араас хөөцөлдөхгүй. Тэднийг урьж залж, хүндэт индэрт суулгадаг цаг өнгөрсөн” хэмээн ам гарсан. Тэр энэ амандаа хүрч өөрт таалагдахгүй хэн бүхнийг “намын дүрэм зөрчсөн” гэх шалтгаанаар хөөж, туусаар байна. Эцэстээ УИХ-д бүлэггүй сул гишүүдтэй нам болж хувирав. 

Харин одоо энэ алдааг МАН давтаж байна. Өчигдөр МАН-ын Хяналтын ерөнхий хорооноос С.Мөнхчулуун, Ц.Сандуй нарыг намын гишүүнчлэлээс түдгэлзүүлэх шийдвэр гаргажээ. Ингэхдээ С.Мөнхчулуун, Ц.Сандуй нарыг намын шинэчилсэн дүрмийг зөрчсөн гэж үзсэн байна. 

 Ц.Сандуйг  "60 тэрбум"-ын асуудлаар төрийн эрхийг булаах гэсэн ёс зүйгүй үйлдэлд нь хариуцлага хүлээлгэх ёстой гэж үзжээ. Харин С.Мөнхчулуун болон түүний  хамаарал бүхий этгээд ёс зүйгүй үйлдлүүдэд нэр холбогдсон гэж үзсэн байна. Ийнхүү МАН нэрээ цэвэрлэх нэрийдлээр С.Сандуйг явуулах шийдвэр гарчээ. Угаас М.Энхболд, С.Сандуй нар 60 тэрбумын “үйл лай”-гаа үүрэхээс өөр аргагүй. Ингэж байж МАН ирэх сонгуульд нэг ч гэсэн муу гуншингаасаа сална. Харин С.Мөнхчулууныг дүүгээ хүмүүжүүлж чадаагүй, намын Удирдах зөвлөлөөс зөрсөн “үндэслэл”-ээр МАН-аас явуулахаар боллоо. 

Ийнхүү МАН АН-ын Удирдлагууд нэгэн адил гишүүдээ намын бодлого шийдвэр, дүрмээс өөр шийдвэр гаргасан гэх үндэслэлээр нэг нэгээр сугалж эхэллээ. С.Эрдэнэ даргын толгойлсон АН-ын хувьд энэ үйл явцын дараа УИХ-д бүлэггүй болж үлдсэн. Харин У.Хүрэлсүхийн тэргүүлсэн МАН хийгээд Засгийн газар өөрт таалагдахгүй хэн нэгнээ хүчээр явуулж эхэллээ. МАН бол төрийн өмнө, ард түмнийхээ өмнө хүлээсэн асар том үүрэг хариуцлагатай улс төрийн хүчин. Гэхдээ нам доторх зодоон, намын даргын ноёрхол  МАН-ыг тал бүрээрээ цуурч, салж унагахад хүргэх үйл явцын эхлэл болчих вий гэхээс болгоомжлох гишүүд олон байна. 
 

П.ГОО

Оллоо.мн

 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2019-02-20 01:36:50
    Хүрэлсүх сайд болж байна аа, Намын удирдах зөвлөлийн шийдвэрийг сөрсөн гишүүнийг шийтгэх учиртай, нам байгаагийн утга нь энэ шүү дээ
    203.91.118.247
    Мэдэгдсэн Хариулах
  • zochin 2019-02-19 14:57:26
    эрдэнэ өөрөа хулгайч луйварчин бж зайлаач
    66.181.190.154
    Мэдэгдсэн Хариулах
  • bat 2019-02-19 13:47:38
    Onkoldiig namaasaa huuguuch huurhii muu Sandui
    66.181.189.241
    Мэдэгдсэн Хариулах
  • Үнэн 2019-02-19 06:46:41
    С.Эрдэнийн хийсэн үйлдэл, Хүрэлсүхийн үйлдэл хоёр тэс өөр ш дээ. Эрдэнэ авилгалчдын төлөө шударга хүнээ хөөсөн бол Хүрэлсүх шударга ёсны төлөө авилгалчаа хөөсөн...
    202.9.44.208
    Мэдэгдсэн Хариулах
  • Зочин 2019-02-19 03:48:22
    Намын бодлогоо зөрсөн хүнийг намаас хасах нь зүйтэй Энэ чинь дэлхий нийтийн жишиг. Бух болоогүй байж бухын баасаар баасан Мөнхчулуунд зөв шийтгэл өгч
    202.70.37.2
    Мэдэгдсэн Хариулах
  • ЗОЧИН  2019-02-19 02:59:54
    МАН хариуцлага тооцсон 100% зөв. Намын сахилга алдсан бол намаасаа түтгэлзүүлэх нь зөв. Гэхдээ хэлмэгдүүлж болохгүй. Хариуцлага тооцдог дүрэм бол ажил сайжруула...
    202.131.250.130
    Мэдэгдсэн Хариулах
  • зочин 2019-02-19 02:53:34
    Амарсайханы ах Отгонбаяр авилгалын хэргээр шоронд суусныг бас тооцох л байх даа. Ер нь энэ улс төр хачин толгойгүй хог савнуудаар дүүрлээ.
    66.181.177.56
    Мэдэгдсэн Хариулах
  • иргэн 2019-02-19 02:30:20
    удирдах завлалийнхөө шийдвэрийг зөрнө гэдэг би чамтай алхахгүй л гэсэн үг шд салсан нь л дээр
    202.179.25.104
    Мэдэгдсэн Хариулах
  • zochin 2019-02-19 02:10:39
    YU GEJI TIIM BOLOKH YUM BE? SANDUY, , MUNKHCHULUUN NAR BOL NAMDAA KHEN CH BISH SHUU DEE,
    122.201.31.186
    Мэдэгдсэн Хариулах