Өнгөрсөн зун АТГ-ын даргын өрөөнд Ерөнхий сайд асан С.Баяр орж, зургаан цагийн турш хоол цай зөөлгөн уулзалдсан бичлэг олон нийтийн сүлжээнд цацагдсан билээ.

Томоохон авлига, албан тушаалын хэрэгт шалгагдаж байсан хүнийг АТГ-ын дарга Х.Энхжаргал өрөөндөө дуудаж уулзсан нь тухайн үедээ нэлээн шүүмжлэл дагуулсан юм. 

Уг асуудлын дараахан уг уулзалтын бичлэгийг алдсан гэх АТГ-ын ажилтан Х.Баярцогтыг АТГ-аас ажлаас нь чөлөөлсөн. Тэгвэл Х.Баярцогт нь өөрийгөө ажлаасаа үндэслэлгүйгээр халагдсан хэмээн Захиргааны хэргийн шүүхэд хандсан.

Уг гомдлыг өчигдөр Захиргааны хэргийн шүүхэд хаалттай хэлэлцжээ. Шүүхээс халагдсан Х.Баярцогтыг ажилд нь эргүүлэн авах шийдвэрийг гаргасан байна. Ийнхүү АТГ ялагдаж, Х.Баярцогт шүүх дээр ялж, ажилдаа эргэж орохоор болов. 

О.Гэрэлт
Оллоо.mn